لیڈز(ویب ڈیسک) بھارت نے روہت شرما اور راہول کی شاندار سنچریوں کی بدولت سری لنکا کو6 وکٹوں سے شکست دے دی۔اس فتح کے ساتھ بھارت پوائنٹس ٹیبل پر پہلی پوزیشن پر آگیا ہے،بھارت نے 9 میں سے 7 میچوں میں کامیابی حاصل کیں، ایک میچ میں اسے شکست کا سامنا کرنا پڑا جب کہ ایک میچ بارش کی نذر ہونے کی وجہ سے ایک پوائنٹ دیا گیا۔لیڈز میں کھیلے جارہے میگا ایونٹ کے 44ویں میچ میں سری لنکا نے پہلے بیٹنگ کرتے ہوئے مقررہ اوورز میں 7 وکٹ کے نقصان پر 264 رنز بنائے جس کے جواب میں بھارت کی جانب سے روہت شرما اور لوکیش راہل نے اننگز کا آغاز کیا۔اس سے قبل میچ کا ٹاس سری لنکن کپتان نے جیت کر بھارت کے خلاف پہلے خود بیٹنگ کرنے کا فیصلہ کیا، سری لنکا کی جانب سے کپتان کرونارتنے اور کوشل پریرا نے اننگز کا آغاز کیا نے اننگز کا آغاز کیا لیکن دونوں بالترتیب 10 اور 18 رنز پر جسپرٹ بمرا کا شکار بنے۔اوشکا فرنانڈو 20 رنز بنانے کے بعد پانڈیا کا شکار بنے اور کوشل مینڈس 3 رنز پر جڈیجا کے ہاتھوں آو¿ٹ ہوئے۔ 55 رنز پر 4 اہم کھلاڑیوں کے پویلین لوٹ جانے کے بعد اینجلو میتھیوز اور تھریمانے نے ذمہ دارنہ کا مظاہرہ کرتے ہوئے 124 رنز کی شراکت قائم کی اس دوران دونوں کھلاڑیوں نے اپنی نصف سنچریاں مکمل کیں۔تھریمانے 53 رنز بنانے کے بعد آﺅٹ ہوئے تاہم اینجلو نے اس ورلڈکپ میں پہلی سنچری اسکور کی وہ 113 رنز بناکر آو¿ٹ ہوئے جب کہ ڈی سلوا 29 رنز پر ناٹ آﺅٹ رہے۔ بھارت کی جانب سے جسپرٹ بمرا نے 3، جڈیجا، پانڈیا اور کلدیب یادیو نے ایک ایک وکٹ حاصل کی۔
