لاہور(مانیٹرنگ ڈیسک)سابق ٹیسٹ کلاس کرکٹر طاہر شاہ نے کہا ہے کہ پاکستان سیمی فائنل کی دوڑ سے باہر ہو گیا ورلڈکپ میچز کے دوران سرفراز ٹیم کی قیادت کرتے رہے ان کی اپنی کوئی ذاتی کارکردگی نہیں اتنا کچھ ہونے کے باوجود وہ بڑی ڈھٹائی سے کہتے ہیں ٹیم کی کپتانی نہیں چھوڑوں گا حالانکہ میں پہلے بھی کہہ چکا انہیں تو کپتان بڑی پہلے چھوڑ دینی چاہئے تھی۔سرفراز کہتے ہیں پی سی بی نے کپتان بنایا ہے اگر انہیں پی سی بی نے کپتان بنا ہی دیا تو خود ہی تھوڑا ملک و قوم کا خیال کریں اور ازخود کپتانی چھوڑیں۔چینل فائیو کے پروگرام گگلی میں گفتگو کرتے ہوئے انہوں نے کہا کہ میں نے بارہا پہلے بھی کہا تھا ورلڈ کپ میچز سے قبل ٹیم میں تبدیلیوں کی ضرورت ہے لیکن کسی نے میری بات نہیں سنی جس کا نتیجہ اب ورلڈ کپ کی دوڑ سے باہر ہونے کی شکل میں بھگتنا پڑ رہا ہے۔آخر شروع سے رن ریٹ پر توجہ کیوں نہ دی گئی افغانستان جیسی کمزور ٹیم سے تو میچ اتنی مشکل سے جیتا۔
