رافل نڈال نے چوتھی مرتبہ یو ایس اوپن ٹائٹل جیت لیا

نیویارک:(ویب ڈیسک) اسپین کے ٹینس اسٹار کھلاڑی رافل نڈال نے روس کے ڈینل میڈویڈو کو ہرا کر ریکارڈ چوتھی مرتبہ یو ایس اوپن کا ٹائٹل اپنے نام کر لیا۔دونوں کھلاڑیوں کے مابین سنسنی خیز فائنل کھیلا گیا جس میں کبھی رافل نڈال کا پلڑا بھاری رہا تو کبھی روس کےڈینل میڈویڈو میچ میں اپنی پوزیشن مضبوط بناتے دکھائی دیئے۔دونوں کھلاڑیوں کے مابین میچ کا فائنل اسکور 7-5، 6-3، 5-7، 4-6، 6-4 رہا، اس میچ میں فتح کے ساتھ رافل نڈال 19 گرینڈ سلم ٹائٹل اپنے نام کرنے میں کامیاب ہو گئے ہیں۔میچ کے اختتام پر بات کرتے ہوئے رافل نڈال نے کہا کہ یہ ایک حیرت انگیز فائنل تھا – ایسا لگتا تھا کہ میرا میچ اپنے ساتھ ہی ہے ، یہ میرے ٹینس کیریئر کی سب سے جذباتی رات ہے۔انہوں نے کہا کہ یہ فتح میرے لئے بہت اہمیت کی حامل ہے، ایک مرحلے پر میچ انتہائی مشکل ہو گیا تھا اور اسی طرز کے فائنل اس ٹورنامنٹ کی وقعت کو بڑھاتے ہیں۔