تازہ تر ین

نواز شریف نے انجیو گرافی نہ کرائی تو ان کی جان کو خطرہ ہو گا،نئی میڈیکل رپورٹ سامنے آگئی

لاہور(جنرل رپورٹر)سابق وزیراعظم نواز شریف کی تازہ ترین میڈیکل رپورٹ سامنے آگئی ہے،جس میں ان کی کورونری انجیو گرافی جلد از جلد روانے کی سفارش کی گئی ہے۔نواز شریف کی 12 فروری کو معائنے کے بعد تیار کی گئی دو صفحات پر مشتمل رپورٹ موصول ہوگئی۔ ذرائع کے مطابق نواز شریف کی مصدقہ رپورٹ موصول ہونے کے بعد امجد پرویز ایڈووکیٹ رپورٹ لاہور ہائیکورٹ میں جمع کرائیں گے۔ رپورٹ کے مطابق نوازشریف کی کورونری انجیو گرافی جلدازجلد کروانے کی سفارش کی گئی ہے۔ رپورٹ کے مطابق نواز شریف کی اگر کورونری انجیو گرافی نہ کرائی گئی تو ان کی جان کو خطرہ ہے۔ نواز شریف کے دل کو خون کی روانی تسلسل سے نہیں ہو رہی ہے۔ رپورٹ کے مطابق نوازشریف کے غیر متوازن پلیٹ لیٹس کی وجہ سےان کی حالت خطرے سے دوچار ہوسکتی ہے۔ رپورٹ کے مطابق نوازشریف کی طبی معائنہ کیلئے کنسلٹنٹ ہماٹالوجسٹ ڈاکٹر کاظمی سے چوبیس فروری کا وقت لیا گیا ہے۔۔رپورٹ میں سفارش کی گئی ہے کہ نوازشریف کو علاج کے لیے برطانیہ میں طبی ماہرین کی زیر نگرانی رہنا چاہیے۔خیال رہے کہ 6 فروری کو سابق وزیر اعظم نوازشریف کی میڈیکل رپورٹس نامکمل ہونے پر پنجاب حکومت نے اعتراضات اٹھا دیئے تھے۔نواز شریف کی ضمانت میں توسیع کے حوالے سے نئی میڈیکل رپورٹس پنجاب حکومت کے پاس جمع کرائی گئی تھیں تاہم ڈاکٹرز نے میڈیکل رپورٹس کو نامکمل قرار دے دیا تھا۔سینئر ڈاکٹرز نے اعتراضات اٹھاتے ہوئے کہا تھا کہ ایک خط کے ذریعے کسی بھی مریض کی صحت کو جانچنا ممکن نہیں ہوتا۔ خط کے مندرجات کے ثبوت ساتھ نہیں لگائے گئے ہیں۔محکمہ داخلہ پنجاب پہلے ہی تازہ رپورٹس پر تحفظات کا اظہار کر چکا تھا میڈیکل بورڈ کو حکم دیا تھا کہ نواز شریف کی رپورٹس کا دوبارہ جائزہ لیا جائے۔واضح رہے کہ سابق وزیر اعظم نواز شریف گزشتہ سال نومبر سے عدالتی حکم پر آٹھ ہفتے کی ضمانت ملنے کے بعد علاج کی غرض سے لندن میں مقیم ہیں جہاں ان کا علاج معالجہ جاری ہے۔نواز شریف کی میڈیکل رپورٹس بھجوانے کا مقصد ان کی بیرون ملک قیام کی مدت میں اضافہ کروانا ہے جو حکومت کی جانب سے تشکیل کردہ میڈیکل بورڈ کی رپورٹ کی روشنی میں ہی کیا جائے گا۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain