لاہور (ویب ڈیسک)ترکی سمیت دنیا بھر میں مقبول ہونے والے ڈرامے ‘ارتغرل غازی’ کو حال ہی میں اردو زبان میں ڈب کرکے پاکستان ٹیلی ویڑن نیٹ ورک پی ٹی وی ہوم پر نشر کیا گیا ہے۔ڈرامہ سیریل کو پاکستان میں بے حد مقبولیت حاصل ہورہی ہے جب کہ پاکستان شوبز انڈسٹری کے اسٹارز کی جانب سے بھی شہرہ آفاق ڈرامے کو خوب پسند کیا جا رہا ہے۔حمزہ علی عباسی، بلال اشرف اور اداکار ہارون کی جانب سے ڈرامے ارتغرل غازی کو بے حد پسند کیا گیا جب کہ فلم اسٹار شان نے ترکش ڈرامہ پاکستان میں نشر کرنے پر تنقید بھی کی۔اداکار شان شاہد کے بعد سیاست دان و سماجی کارکن جبران ناصر نے ارتغرل غازی پاکستان میں نشر کرنے کے حوالے سے تنقید کی تھی۔
