پاکستان پیپلزپارٹی کے چیئرمین بلاول بھٹو زرداری نے کہا ہے کہ اسلام آباد میں بیٹھی حکومت چند مہینوں کی مہمان ہے۔
تفصیلات کے مطابق گلگت بلتستان میں انتخابی جلسے سے خطاب میں چیئرمین پی پی پی بلاول بھٹو نے کہا ہے کہ پی ٹی آئی جھوٹی جماعت ہے، ان کی ہر بات دھوکہ اور یو ٹرن ہے لیکن پیپلزپارٹی واحد جماعت ہے عوام کو مسائل سے نکال سکتی ہے۔
بلاول بھٹو نے کہا ہے کہ چاروں صوبوں کو اٹھارویں ترمیم سے حقوق دئے تو گلگت بلتستان کو بھی دلا سکتے ہیں۔
ان کا کہنا تھا کہ یہ جدوجہد صرف انتخابات کے کے لیے نہیں گلگت بلتستان کے عوام کے مستقبل کے لیے ہیے کیونکہ میں یہ نہیں چاہتا کہ گلگت بلتستان کے عوام کا مستقبل تباہ ہو۔
بلاول بھٹو نے کہا کہ مہنگائی کا مقابلہ کرنے کے لیے بی آئی ایس پی جیسا انقلابی پروگرام شروع کیا، سرکاری ملازمین کی تنخواہوں میں 100 فیصد، پنشنزمیں 150 فیصد اضافہ کیا، پی ٹی آئی کی ہر بات دھوکا اوریوٹرن نکلی۔
بلاول بھٹو نے کہا کہ حکومت کراچی میں اسٹیل مل بند کرنا چاہتی ہے، یہ اقتدار، حکومت بنانے کی لڑائی نہیں آپ کے مستقبل کا سوال ہے۔
