لاہور کے سفاری پرک سے نایاب نسل کے 4کالے ہرن چوری ہوگئے۔
چند روز قبل لاہور کے سفاری سے 4 کالے ہرن چوری ہوئے تھے جس پر چڑیا گھر کی انتظامیہ نے سپروائزر اور عملے کیخلاف انکوائری کا آغاز کردیا تھا۔
سفاری پارک سے چوری کا واقعہ ڈائریکٹر شیخ زاہد کی غیرموجودگی میں پیش آیا جو سرکاری چھٹیوں پر تھے۔ واقعہ کی ایف آئی آر تھانہ رائیونڈ میں درج کروا دی گئی ہے۔
ڈائریکٹر سفاری پارک کا کہنا ہے کہ یہ مادہ ہرن تھے ایک ہرن کی مالیت 60 ہزار ہے اور ٹوٹل 2لاکھ 40ہزار کا نقصان ہوا، ابتدائی تحقیقات میں معلوم ہوا کہ چور جنگلہ پھلانگ کر اندر داخل ہوئے تھے۔
دوسری جانب اس بات کا امکان ظاہر کیا جارہا ہے کہ کالے ہرنوں کی چوری میں چڑیا گھر کا عملہ ملوث ہوسکتا ہے۔
واضح رہے کہ لاہور کے سفاری پارک کی حفاظتی دیوار بھی شدید ٹوٹ پھوٹ کا شکار ہے
