سڈنی: (ویب ڈیسک) بنگلا دیش کے کپتان شکیب الحسن نے کہا ہے کہ ہم ورلڈکپ کی فیورٹ ٹیم بھارت کو ہرا کر اپ سیٹ کرنے کی کوشش کریں گے۔
پریس کانفرنس کے دوران شکیب الحسن نے کہا کہ اس ٹی 20 ورلڈکپ میں بھارت فیورٹ ٹیم ہے جسے ہماری ٹیم اپ سیٹ کرنے کی پوری کوشش کرے گی۔
بنگلادیشی کپتان نے کہا کہ ہم ورلڈکپ جیتنے کا سوچ کر آسٹریلیا نہیں آئے تھے بلکہ ایک پاورفل سائٹ بھارت کو ہلانے کی اپنی بہترین کوشش کریں گے۔
انہوں نے کہا کہ ہم کوئی ورلڈکپ کی فیورٹ ٹیم نہیں اس لیے ہم نے ورلڈکپ جیتنے کا نہیں سوچا، ہماری صورتحال سمجھی جاسکتی ہے، اگر ہم بھارت کے خلاف جیت جاتے ہیں تو یہ ایک اپ سیٹ کہلائے گا اور اس اپ سیٹ کو کرنے کے لیے بہترین کوشش کریں گے۔
