جمعیت علمائے اسلام کے سربراہ مولانا فضل الرحمان کا کہنا ہے کہ قانونی طور پر پاکستان رہنے والے افغانوں کو بلیک میل کیا جارہا ہے، اس طرح کےاقدامات سے پڑوسی ملک سے تعلقات پر منفی اثرات مرتب ہوں گے۔
افغان مہاجرین کی واپسی کی ڈیڈ لائن پر ردعمل کا اظہار کرتے ہوئے سربراہ جے یو آئی مولانا فضل الرحمان کا کہنا ہے کہ افغان مہاجرین دوطرفہ مسئلہ ہے افغان حکومت سے مذاکرات کئے جائیں، اور افغان حکومت کواعتماد میں لے کر افغانوں کی واپسی کا طریقہ کار طے کیا جائے۔
مولانا فضل الرحمان کا کہنا تھا کہ قانونی طور پر پاکستان رہنے والے افغانوں کو بھی بلیک میل کیا جا رہا ہے، ان کی جائیدادوں پر قبضہ کرنے کیلئے ظالمانہ رویہ اپنایا جا رہا ہے، اس طرح کے اقدامات سے پڑوسی ملک سے تعلقات پر منفی اثرات مرتب ہوں گے۔
