اقلیتی خاتون کو نسلر نے اپنے ہی شو ہر کو دن میں تارے دکھادیئے

لاہور (خصوصی ر پو رٹر )راوی روڈ خاتون اقلیتی کونسلر نے مبےنہ طو ر پر اپنے ہی شوہر کو ہوٹل میں رنگ رلیاں مناتے ہوئے پولیس کے ہاتھوں گرفتار کرادیا ،شوہر خود کو کوارڈنیٹر کہہ کر خواتین کو نوکریوں کا جھانسہ دے کر زیادتی کا نشانہ بناتا ہے ،خاتون کونسلر نے ہی شوہر کے خلاف درخواست دے کر مقدمہ درج کرادیا ۔بتایا گیا ہے کہ راوی روڈ کے علاقہ لکڑ منڈی کے قریب شیراز ریسٹ ہاﺅس میں یونین کونسل 38 کی اقلیتی کونسلر عالیہ بی بی نے اپنے شوہر یوسف مسیح کو خاتون کے ساتھ پکڑ کر ایمرجنسی پولیس کو اطلاع کردی جس پر پولیس نے موقع پر پہنچ کر یوسف مسیح کو ایک خاتون کے ساتھ قابل اعتراض حالت میں رنگے ہاتھوں گرفتار کرکے مقدمہ درج کرلیا ،خاتون کونسلر عاالیہ بی بی نے بتایا کہ اس کا شوہر اس کیلئے بدنامی کا باعث بن گیا تھا خود کو پنجاب کی اعلیٰ شخصیت کے بیٹے کا کوارڈینٹر بتا کر کئی عورتوں کو نوکریوں کا جھانسہ دے کر زیادتی کا نشانہ بنا چکا ہے اور اس معصوم لڑکی کو بھی نوکری کا جھانسہ دینے کا کہہ کر ہوٹل میں لے آیا ،خاتون کونسلر کی جانب سے شوہر کو رنگے ہاتھوں پکڑنے کہ موقعہ پر وہاں موجود افراد اور پولیس کیلئے انتہائی دلچسپ صورت حال بن گئی جب خاتون کونسلر اپنے 4 بچوں کے ہمراہ جائے وقوعہ پر پہنچی خاتون کی جانب سے اپنے شوہر سے دست گریبان ہونے اور اس کو قابل اعتراض حالت میں پکڑنے کے دوران وہاں موجو دلوگوں کی بڑی تعداد جمع ہو گئی اور دونوں میاں بیوی کی لڑائی کے دوران ان کے بچے بھی ماں سے مل کر باپ کو کوستے اوربدعائیں دیتے رہے تاہم پولیس نے حالات کو مدنظر رکھتے ہوئے دونوں میاں بیوی اوربچوں سمیت یوسف مسیح کے جال میں پھنسنے والی خاتون کو بھی تھانے لے آئی جہاں پولیس نے یوسف مسیح اور خاتون کے خلاف مقدمہ درج کرلیا ۔