نیویارک (محسن ظہیر سے) امریکی کانگریس کے 18ارکان نے نوبل پرائز کمیٹی کے سربراہ کو لکھے گئے اپنے خط میں 2019کے نوبل امن ایوارڈ کےلئے امریکی صدر ڈونلڈ ٹرمپ کا نام پیش کر دیا ہے ۔ ان کا کہنا ہے کہ نارتھ کوریا اور ساو¿تھ کوریا میں دہائیوں پرانی دشمنی میں اہم پیش رفت اور نارتھ کوریا کے نیوکلیائی پروگرام کے حوالے سے ہونیوالی اہم پیش رفت کے حوالے سے صدر ٹرمپ کی کوششوں کے اعتراف کے طور پر انہیں امن کا نوبل پرائز دیا جائے ۔نوبل کمیٹی کو خصوصی مراسلہ ریپبلکن کانگریس مین لیوک میسر نے ساتھی ارکان کے دستخطوںکے ساتھ ارسال کیا ہے ۔مراسلہ میں ارکا ن کانگریس نے مزید کہا کہ صدر ٹرمپ کی جانب سے نارتھ کوریا پر ہر ممکن دباو¿ ڈالا گیا کہ وہ اپنے ہتھیاروں کے پروگرام کو ختم کرے تاکہ خطے کے امن کو یقینی بنایا جا سکے ۔اسی دباو¿ کے نتیجے میں نارتھ کوریا مذاکرات کی میز پر آیا ہے ۔واضح رہے کہ سابق امریکی صدر براک اوبامہ کو بھی ان کے دور صدارت میں امن کا نوبل پرائز دیا گیا تھا ۔
ٹرمپ کو نوبل ایوارڈ دیا جائے، 18امریکی ارکان کانگریس کا نوبل کمیٹی کو خط
