لاہور(ویب ڈیسک)لاہور کے قومی اسمبلی کے حلقے این اے 132 میں حمزہ شہباز اپنے والد شہبازشریف کے حق میں دستبرار ہو گئے اور اپنے کاغذات نامزدگی واپس لے لئے۔قومی اسمبلی کے حلقے این اے 132 سے سابق وزیراعلیٰ شہبازشریف اور ان کے صاحبزادے حمزہ شہباز نے کاغذات نامزدگی جمع کرائے ہوئے تھے۔حمزہ شہباز کا نمائندہ ریٹرننگ افسر کے سامنے پیش ہوا اوران کے کاغذات نامزدگی واپس لے لئے۔ حمزہ شہباز قومی اسمبلی کے حلقے این اے 124 سے بھی انتخابات میں حصہ لے رہے ہیں اور ان کے اس حلقے سے بھی کاغذات نامزدگی منظور ہو چکے ہیں۔
