ممبئی(شوبزڈیسک)بالی ووڈاداکارہ کرینہ کپور خان اپنے کیریئر میں پہلی مرتبہ جوشیلے اداکار رنویر سنگھ کےساتھ فلم میں کام کرنے جارہی ہیں، جس کیلئے وہ کافی پرجوش بھی ہیں۔ دونوں فنکار کرن جوہر کی ہدایات میں بننے والی تاریخی فلم ”تخت“ میں کام کرتے نظر آئیں گے۔لیکمے فیشن ویک کے دوران انٹرویو میں کرینہ کپور کا کہنا تھا یہ بہترین ہے کہ اتنے برس بعد میں آخر کار رنویر کے ساتھ فلم میں کام کرنے جارہی ہوں، وہ ایک شاندار اداکار ہے ، ان کے ساتھ فلم کرنا میرے لئے اعزاز ہے۔ کرن جوہر کے ساتھ دوبارہ کام کرنے کے حوالے سے کرینہ کپور نے کہا کرن جوہر میرے سب سے قریبی دوست ہیں جنہیں میں اپنا بھائی بھی مانتی ہوں۔
۔، مجھے ان پر بے حد یقین ہے اور مجھے ان کے ساتھ ہمیشہ گھر جیسا ماحول محسوس ہوتا ہے۔خیال رہے کہ فلم تخت میں رنویر سنگھ اور کرینہ کپور کے علاوہ عالیہ بھٹ، انیل کپور اور جھانوی کپور بھی شامل ہیں۔
