کراچی:(ویب ڈیسک) قومی ٹیم کے سابق کپتان معین خان کا کہنا ہے کہ اس وقت سرفراز احمد کو کپتانی سے ہٹانا درست نہیں ہوگا اور اس کو ہٹانے سے پہلے متبادل کو تلاش کرنا ضروری ہے۔کراچی میں میڈیا سے بات کرتے ہوئے سابق کپتان معین خان کا کہنا تھا کہ سرفراز کو کپتانی سے ہٹانے کی باتیں قبل از وقت ہیں پہلے یہ دیکھنا ہوگا کہ کوئی سرفراز کا متبادل ہے یا نہیں، مکی آرتھر کی شاداب خان کو کپتان بنانے کی تجویز سے اتفاق نہیں کرتا، مکی آرتھر نے سرفراز احمد کے ساتھ نائب کپتان کیوں نہیں بنایا۔معین خان نے کہا کہ آج کل جو کچھ ہورہا ہے وہ کرکٹ کے ساتھ انصاف نہیں اور نہ کرکٹ بورڈ میں انصاف نہیں ہورہا ہے، میں نے ہمیشہ سب سے پہلے پاکستان کی بات کی ہے، پاکستان کیلئے خدمت کرنا میرے لیے اعزاز کی بات ہے، قومی ٹیم کے ساتھ اگر دوبارہ موقع ملا تو ضروراپنی خدمات سر انجام دوں گا، ملک کے لیئے کسی بھی ذمہ داری پر کام کرنے کے لیئے تیار ہوں۔بھارت کی جانب سے مقبوضہ کشمیر کی خصوصی حیثیت ختم کرنے سے متعلق معین خان نے کہا کہ کشمیریوں پر مظالم کی مذمت کرتا ہوں، کشمیریوں کے ساتھ بہت زیادتی ہورہی ہے، کشمیر کے حالات دیکھ کر دکھ ہوتا ہے، انسانیت کا قتل نہیں ہونا چاہیے، امن کیلیے بات ہونی چاہیے ور پوری قوم کشمیریوں کے ساتھ ہے۔

DUBAI, UNITED ARAB EMIRATES - DECEMBER 11: (l-r) David Boon ICC match referee, Dave Richardson ICC Chief Executive, Waqar Younis ICC Hall of Fame Inductee, Michael de Zoya Sri Lanks Team Manager and Moin Khan Pakistan Team Manager during the iduction of former Pakistan cricketer Waqar Younis into the ICC cricket Hall of Fame before the first Twenty20 International match between Pakistan and Sri Lanka at Dubai Sports City Cricket Stadium on December 11, 2013 in Dubai, United Arab Emirates. (Photo by Francois Nel/Getty Images)