ایک کپتان کی ’عمر‘ پانچ برس ہوتی اس کے بعد زوال کا شکار ہوجاتا ہے

کراچی(بی این پی )ماضی کے نامور کرکٹ کھلاڑی رمیز راجہ کہتے ہیں کہ ایک کپتان کی ’عمر‘ پانچ برس ہوتی ہے اس کے بعد زوال کا شکار ہوجاتا ہے، مصباح بھی اپنا وقت پورا کرچکے ہیں۔یہی بہتر ہے کہ وہ با عزت طریقے سے ریٹائر منٹ کا اعلان کر دیں۔ رمیز راجہ نے کہاکہ میں سمجھتا ہوں کہ مصباح کا وقت پورا ہوچکا، ہر کھلاڑی کو اس مرحلے سے گزرناپڑتا ہے، کپتان تو ویسے ہی کافی وقت گزار چکے، اب انھیں آگے بڑھنا چاہیے، اس عرصے میں وہ اپنا سب کچھ دے دیتا اور اس کے بعد کارکردگی میں زوال آنے لگتا ہے، حریف اس کی حکمت عملی اچھی طرح جان لیتے ہیں، مصباح نے شان وشوکت سے وقت گزارا، اپنی اننگز عمدگی سے کھیلی اور پاکستان کے سب سے کامیاب کپتان بنے، میرے خیال میں انھیں آسٹریلیا میں بولنگ نے مایوس کیا جبکہ فیلڈ سیٹنگ بھی مناسب نہیں تھی۔