وزیراعظم کو گیند نظر نہیں آرہی ،اب ان کے گھبرانے کا وقت شروع ہو چکا ہے: احسن اقبال

اسلام آباد: (ویب ڈیسک) مسلم لیگ (ن) کے رہنما احسن اقبال نے کہا کہ تحریک عدم اعتماد جلد از جلد پیش کرنے پر اصولی اتفاق ہے ،وزیر اعظم کو گیند نظر نہیں آرہی ، اب ان کے گھبرانے کا وقت شروع ہو چکا ہے ۔
اپنے بیان میں احسن اقبال نے کہا کہ اپوزیشن سربراہان کی تحریک عدم اعتماد سے متعلق مشاورت مکمل ہوچکی ہے، حکومتی پالیسی پاکستان کے لیے خطرہ بن چکی ہے ،حکومت کے پاس این آر او نہیں دوں گا تقریریں کرنے کے سوا کچھ نہیں ،اپوزیشن سمجھتی ہے کہ تمام بحرانوں کا فوری حل آزادانہ الیکشن ہے ،نمبر گیم پوری ہے تاہم کوشش ہے کہ زیادہ سے زیادہ اتفاق رائے پیدا کریں ۔
احسن اقبال نےکہا کہ حکومتی حلیف جماعتوں سے رابطے میں ہیں اور انہیں دعوت دے رہے ہیں ، جب تحریک عدم اعتماد آئے گی تو عوام کو خود اندازہ ہو گا کہ توقع سے زیادہ پذیرائی ملی ہے ، وزیر اعظم کو سمجھ آرہا ہے کہ پچ بیٹنگ کے لیے ساز گار نہیں رہی ،
بال بھی ان کو نظر نہیں آرہی، اب ان کو گھبرانا چاہیے کیونکہ ان کے گھبرانے کا وقت شروع ہو چکا ہے ۔