راوالپنڈی: (ویب ڈیسک) وفاقی وزیر اطلاعات فواد چودھری نے کہا ہے کہ حزب اختلاف ہر دفعہ عوام کے خلاف ہی کھڑی ہوتی ہے۔
وفاقی وزیر اطلاعات فواد چودھری نے راولپنڈی کرکٹ اسٹیڈیم میں گورنر سندھ عمران اسماعیل کے ہمراہ میڈیا سے گفتگو کرتے ہوئے کہا کہ حزب اختلاف ہر دفعہ عوام کے خلاف ہی کھڑی ہوتی ہے۔ حزب اختلاف سے کہوں گا کہ ایک فری باکس دے دوں گا اس میں بیٹھ کر میچ دیکھیں اور لائحہ عمل بھی طے کریں۔
انہوں نے کہا کہ ہمیں بھارت اور پاکستان کی اسپورٹس کو آگے بڑھانا چاہیے اور بھارت کے ساتھ لوگوں کا رابطہ بحال ہونا چاہیے جبکہ پاکستان بھارت کرکٹ کو بھی بحال ہونا چاہیے۔
