کراچی: (ویب ڈیسک) محکمہ تعلیم سندھ نے صوبے میں بارشوں کی صورت حال کے باعث سرکاری و نجی اسکول اور کالج مزید 2 روز بند رکھنےکا اعلان کردیا۔
محکمہ تعلیم سندھ کے مطابق صوبے بھر میں 26 اور 27 اگست کو سندھ بھر میں سرکاری و نجی اسکول اور کالج بند رہیں گے۔
محکمہ تعلیم سندھ کا کہنا ہے کہ موسم کی صورت حال کے پیش نظر مزید تعطیلات کا فیصلہ کیا گیا ہے، فیصلے کا اطلاق سندھ بھر کے تمام نجی و سرکاری اسکولوں اور کالجوں پر ہوگا۔
صوبائی وزیر تعلیم سردار شاہ کا کہنا ہےکہ سندھ کےکئی اضلاع میں اب بھی سیلابی صورت حال ہے، سندھ کے بیشتر اسکولز اور کالجز زیر آب ہیں، اسکولز اور کالجز متاثرین کے ریلیف کیمپس میں بھی تبدیل کیےگئے ہیں۔
خیال رہےکہ 24 اور 25 اگست کو بھی صوبے میں بارشوں کی پیشگوئی کے باعث سرکاری و نجی اسکول اور کالج بند رکھنےکا اعلان کیا گیا تھا ۔
