تیز ہوائوں اور گرج چمک کے ساتھ بارش، برفباری کا امکان

لاہور: (ویب ڈیسک) ملک کے بالائی علاقوں چند مقامات پر تیز ہوائوں اور گرج چمک کے ساتھ ہلکی بارش اور پہا ڑوں پر برفباری کا امکان ہے۔
محکمہ موسمیات کے مطابق جمعہ کے روز ملک کے بیشتر علاقوں میں موسم خشک رہے گا۔گذشتہ 24 گھنٹے کا موسم بالائی/وسطی پنجاب،کشمیر اور بالائی خیبرپختونخوا میں تیز ہوائوں اور گرج چمک کے ساتھ بارش ہوئی۔
بیان کے مطابق ملک کے دیگر علاقوں میں موسم خشک رہا۔سب سے زیادہ بارش پنجاب میں بھکر 14، راولپنڈی (چکلالہ) اور نارووال 01 ، کشمیر میں مظفر آباد ( سٹی 06،ائیرپورٹ 03) ، خیبر پختونخوا میں دیر ( بالائی)،بونیر 05، بالاکوٹ اور پاراچنار میں 01 ملی میٹر بارش ریکارڈ کی گئی۔
محکمہ موسمیات کے مطابق اس دوران ملک میں کم سےکم درجہ حرارت لہہ ، کالام منفی 03،بابوسر منفی 02 ، زیارت منفی 01 اور اسکردو میں 01 ڈگری سینٹی گریڈریکارڈ کیا گیا۔