پشاور (خصوصی رپورٹ) صوبہ خیبر پختونخوا کے ضلع نوشہرہ کے شہر اکوڑہ خٹک میں دو ہم جنس پرست لڑکیوں نے محبت میں ناکامی پر خودکشی کر لی۔ جرمن نشریاتی ادارہ کے مطابق یہ دونوں لڑکیاں ایک ہی محلے میں رہتی تھیں اور ان کی ملاقات چند سال پہلے ایک مقامی مدرسے میں ہوئی تاہم ان کے تعلق کی نوعیت معلوم ہونے پر دونوں لڑکیوں کے گھر والوں نے انہیں ایک دوسرے سے الگ کرنے کی کوشش کی۔ ان کی ملاقات پر بھی پابندی لگا دی گئی جبکہ ایک لڑکی کی شادی بھی کرا دی‘ تاہم شادی کے ایک ہفتہ بعد ہی اس لڑکی نے شوہر کو چھوڑا اور واپس میکے آ گئی۔ پھر کچھ روز قبل دونوں لڑکیوں کی ملاقات ہوئی اور انہوں نے خودکشی کرنے کا فیصلہ کیا‘ پھر دونوں نے زہر کھا لیا۔ دونوں کو ہسپتال پہنچایا گیا مگر وہ جانبر نہ ہو سکیں۔
