کراچی(این این آئی)سندھ کے سینئر وزیر شرجیل انعام میمن نے کہا ہے کہ تھر کے کوئلے کو بجلی کی پیداوار تک محدود رکھنے کے بجائے صنعتی ترقی کے لیے استعمال کیا جا رہا ہے۔ تھر کول بلاک ٹو کی سالانہ پیداواری صلاحیت 7.6 ملین ٹن سے بڑھا کر 11.2 ملین ٹن کر دی گئی ہے، جس سے کوئلے کی پیداوار میں سالانہ 3.6 ملین ٹن کا اضافہ ہوا ہے۔شرجیل میمن کےمطابق کوئلے کی اضافی پیداوار سے بجلی گھروں کے علاوہ دیگر صنعتی شعبوں کو بھی فراہمی ممکن ہو سکے گی۔ کوئلے کو صنعتی استعمال کے لیے موزوں بنانے کا منصوبہ…
Author: Khabrain News
مزید پڑھیں
کراچی:وی کیئر کے زیراہتمام کمیونٹی کارنیوال 2026 ء منایا جارہا ہے۔
لاہور(کرائم رپورٹر)لاہور کے مختلف علاقوں میں ٹریفک حادثے اور دیگر واقعات میں خاتون سمیت چار افراد جاں بحق ہو گئے۔ متعلقہ تھانوں کی پولیس نے لاشیں مردہ خانے منتقل کر کے قانونی کاروائی کا آغاز کر دیا۔ ایدھی ترجمان کے مطابق سبزہ زار کے علاقے ڈوبن پورہ کے قریب 60 سالہ بزرگ شہری حرکت قلب بند ہونے کے باعث دم توڑ گیا، جس کی شناخت ہدایت اللہ کے نام سے ہوئی۔داتا دربار کے قریب سڑک عبور کرتے ہوئے تیز رفتار موٹر سائیکل کی ٹکر سے 61سالہ خاتون ساجدہ اقبال شدید زخمی ہو گئیں۔ انہیں تشویشناک حالت میں ہسپتال منتقل کیا…
لاہور( این این آئی)وزیراعلیٰ پنجاب نے پنجاب کسان بینک لمیٹڈ کا کنٹرول محکمہ خزانہ کے سپرد کر دیا ہے۔حکومتی فیصلے کے مطابق بینک کا نیا نام پنجاب کسان بینک کوآپریٹو بینک رکھا گیا ہے۔فیصلے کے تحت پنجاب کسان بینک لمیٹڈ کے تمام انتظامی معاملات اب محکمہ خزانہ دیکھے گا۔اس حوالے سے محکمہ انڈسٹریز اینڈ کامرس کو رولز آف بزنس میں ترمیم کرنے کے لیے مراسلہ جاری کر دیا گیا ہے۔
کوالالمپور (این این آئی)ملائیشیا کے سابق وزیرِاعظم نجیب رزاق نے شاہی معافی کے تحت 12.32 ملین ڈالرز جرمانہ ادا کر دیا۔غیر ملکی خبر ایجنسی کے مطابق نجیب رزاق کی جماعت نے جرمانے کی ادائیگی کی تصدیق کر دی۔کوالالمپور میں عدالت نے جرمانے کی ادائیگی کے بعد نجیب رزاق کو گھر پر نظر بند کرنے کا حکم جاری کیا ہے۔واضح رہے کہ ملائیشیا کے بادشاہ نے شاہی معافی کے تحت نجیب رزاق کو باقی ماندہ قید گھر پر نظر بندی میں مکمل کرنے کی اجازت دی تھی۔نجیب رزاق بدعنوانی کے جرم میں قید کی سزا کاٹ رہے ہیں۔
واشنگٹن (این این آئی)امریکی خاتونِ اول میلانیا ٹرمپ نے وائٹ ہائوس میں روسی اور یوکرینی حکام کی میزبانی کی جہاں روس کے زیرِ قبضہ یوکرینی شہر اولیشکی میں 6روزہ جنگ بندی کا جائزہ لیا گیا۔روسی صدر ولادیمیر پیوٹن کے خصوصی ایلچی کیرل دمتریئیف بھی اجلاس میں شریک ہوئے، جنہوں نے انسانی ہمدردی کی بنیاد پر معاہدے کے لیے میلانیا ٹرمپ کی کوششوں کو سراہا۔
نیویارک (این این آئی)اقوامِ متحدہ میں اسرائیل کے سفیر ڈینی ڈینون نے دعویٰ کیا ہے کہ ایران پر حملے کا فیصلہ اسرائیل کا نہیں بلکہ امریکا کا تھا۔اسرائیلی سفیر نے اسرائیلی میڈیا سے گفتگو میں کہا کہ بدقسمتی سے ہم جانتے ہیں کہ ایران پر حملہ کرنے کا فیصلہ امریکا کا تھا، یہ ہمارا فیصلہ نہیں تھا۔انہوں نے کہا کہ ہم نے امریکا کی اس کوشش کی حمایت کی، ہمارا خیال ہے کہ یہ بالکل درست فیصلہ تھا۔ڈینی ڈینون نے نائب امریکی سفیر کے اس بیان کو بھی مسترد کر دیا ہے کہ ریپبلکنز کو وسط مدتی انتخابات میں بھاری…
ریاض (این این آئی) سعودی وزارتِ خارجہ نے سیاحتی ویزے کے دائرہ کار میں توسیع کرتے ہوئے چار نئے ممالک کے اضافے کا اعلان کیا ہے، جن میں میکسیکو، شمالی مقدونیا، بوسنیا و ہرزیگووینا اور سربیا شامل ہیں۔ عرب ٹی وی کے مطابق یہ سیاحتی ویزا نافذ العمل قوانین اور ہدایات کے مطابق متعدد مقاصد کے لیے مملکت کی آمد کی اجازت دیتا ہے، جن میں تقاریب میں شرکت، عمرے کی ادائیگی، نمائشوں اور کانفرنسوں میں شمولیت، دوستوں اور رشتے داروں سے ملاقات شامل ہے۔
اسلام آباد( این این آئی)اسلام آباد انٹرنیشنل ایئر پورٹ کے ٹرمینل میں بندر داخل ہوگیا اور کچھ دیر بعد گھوم پھر کر واپس چلا گیا، بندر کی موجودگی پر وائلڈ لائف کے عملے کو بھی طلب کیا گیا، جو اس کو پکڑنے کوشش کرتا رہا۔
راولپنڈی(نیوز ایجنسیاں )پاکستان اور تاجکستان کی افواج کی مشترکہ انسدادِ دہشتگردی مشق دوستی سوئم کامیابی سے مکمل ہو گئی۔پاک فوج کے شعبہ تعلقات عامہ (آئی ایس پی آر )کے مطابق مشترکہ فوجی مشق دوستی سوئم اسپیشل آپریشنز اسکول چراٹ میں منعقد ہوئی، پاک تاجک مشترکہ مشق دوستی سوئم کا آغاز 26 اکتوبر کو ہوا تھا۔بیان میں بتایا گیا کہ مشترکہ مشق میں انسدادِ دہشتگردی کے تجربات اور بہترین عملی طریقہ کار کا تبادلہ کیا گیا، مشق کے دوران آپریشنل ڈرلز، طریقہ کار اور جنگی مہارتوں کو مزید بہتر بنانے پر توجہ دی گئی۔پاک تاجک افواج نے باہمی تربیت، تجربات کے…