لاہور (خصوصی رپورٹ) بچوں کی جنسی فلمیں بنانے والا سرگودھا کا سعادت امین جلد بچوں کو ناروے اور سویڈن کے دورے پر لے جانے کی تیاریوں میں مصروف تھا۔والدین سے غیر ملکی کمپیوٹر تربیت کا کہہ کر انہیں ناروے لے جاناچاہتا تھا۔ ملزم سے بچوں کی فحش فلموں کی تقریباً 65 ہزار کلپس ملے ہیں اور وہ اس زمر میں 30 ہزار ڈالر کما چکا ہے۔ یہ اعتراف ملزم امین نے ایف آئی اے کے تحویل میں تفتیش کے دوران کہی۔ ملزم کا کہنا تھا کہ وہ ناروے، سویڈن میں موجود اس مکروہ دھند میں ملوث افراد سے طے کیا تھا کہ وہ یہ سب فلموں کی بجائے عملی طور پر ان کے سامنے کرانے کیلئے تیار ہے۔ لہٰذا بچوں کو ناروے کے ویزے جاری کرنے کے انتظام کریں۔ ملزم نے زیرتعلیم بچوں کے والدین کو اس سلسلے میں یہ کہہ کر قائل کرلیا تھا کہ ان کا ناروے میں روشن مستقبل انتظار کر رہا ہے۔ملزم امین ناروے کے شہری ہینڈ سٹروم سے تیس ہزار ڈالر وصول کر چکاہے اور وہ تقریباً 65 ہزار ویڈیو کلپس دے چکا ہے۔ زیادہ تر ویڈیو کلپ روسی اور بنگلہ دیش بچوں کی ویب سائٹس ہائی جیک کرکے ناروے بھیج چکا ہے۔ ملزم اپنے نام نہاد کمپیوٹر کالج میں 25 زیرتعلیم طلباء کو اس مکروہ دھندے میں استعمال کر چکا ہے۔ ایف آئی اے کا کہنا تھا کہ ملزم امین کو ناروے ایمبیسی نے ملزم ہینڈسٹروم کے انکشاف پر گرفتار کیا۔ حکام کا کہنا تھا کہ وہ متاثرہ بچوں تک پہنچنے کی کوشش کر رہے ہیں حالانکہ یہ مشکل کام ہے۔ ایف آئی اے کے مطابق ویڈیو سے ایسا معلوم ہوتا ہے کہ ملزم امین بچوں کوفحش حرکات کیلئے آمادہ کرتا تھا۔ زبردستی کا عنصر معلوم نہیں ہوتا۔

لاہور (اپنے سٹاف رپورٹر سے) وزیر اعلیٰ پنجاب محمد شہباز شریف کی زیر صدارت 3گھنٹے طویل اجلاس منعقد ہوا، جس میں 2018ءتک کے مقررکردہ تعلیمی اہداف کے حصول پر پیشرفت کاتفصیلی جائزہ لیا گیا۔ وزیراعلی کی زیر صدارت اجلاس میں جنوبی پنجاب کے پرائمری سکولوں میں فوڈ پروگرام شروع کرنے کی منظوری دی گئی-وزیراعلی شہبازشریف نے اجلاس سے خطاب کرتے ہوئے کہا کہ فوڈ پروگرام کے تحت بچوں کو دودھ اورانرجی بسکٹ فراہم کئے جائیں گے اورابتدائی طو رپر جنوبی پنجاب کے سکولوں سے فوڈ پروگرام کا پائلٹ پراجیکٹ شروع کیا جائے گا- انہوں نے کہاکہ پنجاب حکومت نے دور دراز کے سکولوں میں بچوں کو فری ٹرانسپورٹ کی فراہمی کا بھی پروگرام بنایاہے-مظفر گڑھ او ربہاولپور کے اضلاع سے اس کا پائلٹ پراجیکٹ شروع کیاجائے گا-انہوں نے کہاکہ پنجاب حکومت کے فروغ تعلیم کے لئے اقدامات بارآور ثابت ہوئے ہیں اورتعلیمی اداروں میں اساتذہ اور طلبا ءکی حاضری میں نمایاں بہتری آئی ہے جبکہ حکومتی اقدامات کے باعث لاکھوں نئے بچے سکولوںمیںآئے ہیں-انہوں نے کہاکہ پنجاب ایجوکیشن فاﺅنڈیشن کے نیو سکول پروگرام کے تحت2018ءتک 2700مزید سکول شامل کئے جائیں گے اورووچر سکیم کے تحت2018ءتک اڑھائی لاکھ مزید بچے مستفید ہوں گے-انہوں نے کہاکہ پنجاب ایجوکیشن فاﺅنڈیشن کے تعلیمی پروگراموں کے بارے میں عوام کو آگاہ کرنا بے حد ضروری ہے-انہوں نے کہاکہ 5ہزار سرکاری سکولوں کو آﺅٹ سورس کرنے کا تجربہ انتہائی کامیاب ثابت ہواہے اوراس ماڈل پر عملدرآمد سے سکولوں میں بچوں کی تعداد دگنی ہوگئی ہے-انہوں نے کہاکہ سکولوں میں بچوں کی انرولمنٹ بڑھانے کے لئے تقریبا 25ہزار پارٹ ٹائم کوچز رکھے جا رہے ہیںجبکہ 2018 ءتک سکولو ںمیں 36ہزار اضافی کمروں کی تعمیر کے ہد ف کی جانب تیزی سے بڑھ رہے ہیں-سرکاری سکولو ںمیں ڈبل شفٹ پروگرام کا آغاز بھی کیا گیاہے -انہوں نے کہاکہ سکولوں میں ٹیبلٹ کی فراہمی کا پروگرام بھی کامیابی سے آگے بڑھایا جا رہاہے- سکولوں میں ٹیبلٹ کی فراہمی پنجاب حکومت کا انقلابی اقدام ہے-سرکاری سکولوں میں اضافی ٹوائلٹ بنائے جا رہے ہیں-اس پروگرام کے تحت سکولوں میں 32ہزار 5سو اضافی ٹوائلٹ بنائے جائیں گے-انہوں نے کہاکہ میرٹ پر بھرتی کئے گئے باصلاحیت اساتذہ قوم کے مستقبل کو زیور تعلیم سے آراستہ کررہے ہیں- تعلیم کے معیار کو بہتر بنانے کا چیلنج عزم ، جذبے اورمحنت سے کام کر کے پورا کرنا ہے-تعلیم سے قومیں توانا ہوتی ہیں اور ترقی کا سفر تیزی سے طے کرتی ہیں-وہی قومیں خوشحالی کی منزل پاتی ہیں جو کچھ کر گزرنے کا عزم رکھتی ہے-اساتذہ کی تربیت کے لئے ٹیچرز ٹریننگ پروگرام بے حد اہمیت کا حامل ہے-ماہرین تعلیم نے اجلاس کے دوران گفتگو کرتے ہوئے کہاکہ وزیراعلی شہبازشریف کے جامع اقدامات کے باعث تعلیمی شعبہ میں نمایاں بہتری آئی ہے اور وزیراعلی شہبازشریف کے فروغ تعلیم کے لئے اقدامات نتیجہ خیز ثابت ہوئے ہیں-صوبائی وزراءرانا مشہود احمد، رضا علی گیلانی ، ڈاکٹر عائشہ غوث پاشا، مشیر ڈاکٹر عمر سیف ، چیئرمین پنجاب ایجوکیشن فاﺅنڈیشن انجینئر قمرالسلام، متعلقہ محکموں کے سیکرٹریز ، ماہرین تعلیم اور متعلقہ حکام نے اجلاس میں شرکت کی۔ وزیراعلیٰ پنجاب محمد شہبازشریف سے چین سے تعلق رکھنے والے وفد نے ملاقات کی جس کی قیادت ڈیگانگ کمپنی کے چیئرمین گوآن جیان زونگ کر رہے تھے۔ چین کے قونصل جنرل لانگ ڈنگ بن، صوبائی وزیر خزانہ ڈاکٹر عائشہ غوث پاشا، چیئرمین منصوبہ بندی و ترقیات، متعلقہ محکموں کے سیکرٹریز اور اعلیٰ حکام بھی اس موقع پر موجود تھے۔ ملاقات میں پنجاب حکومت اور چین کی کمپنی کے مابین تعاون بڑھانے پر اتفاق کیا گیا۔ وزیراعلیٰ محمد شہبازشریف نے چینی وفد سے گفتگو کرتے ہوئے کہا کہ پاکستان اور چین کی دوستی مفید معاشی تعاون میں ڈھل چکی ہے۔سی پیک نے پاک چین تعلقات کو نئی جہت دی ہے اور آج پوری دنیا میں سی پیک کا ڈنکا بج رہا ہے اورےہی وجہ ہے کہ سی پیک میں دنیا کے دیگر ممالک بھی دلچسپی لے رہے ہیں۔ انہوں نے کہا کہ پنجاب میں تعلیم، صحت، ٹرانسپورٹ، تعمیرات و مواصلات اور دیگر شعبوں میں اربوں ڈالر کی سرمایہ کاری کی گئی ہے۔اربوں روپے کی سرمایہ کاری سے ان شعبوں کا مضبوط انفراسٹرکچر بنایاگیا ہے اورمستقبل میں سماجی شعبوں میں سرمایہ کاری میں بے پناہ اضافہ ہوگا۔انہوں نے کہا کہ چینی کمپنی کا انفراسٹرکچر فنانسنگ کے حوالے سے تعاون پر آمادگی کا اظہار خوش آئند ہے۔چینی کمپنی کی مہارت اور تجربے سے استفادہ کریں گے۔مینجمنٹ کریڈٹ ریٹنگ کے نئے نظام کو وضع کرنے کیلئے تعاون بڑھایا جائے گا۔ ملاقات میں پنجاب حکومت اور چینی کمپنی کا مشترکہ ورکنگ گروپ تشکیل دینے کا فیصلہ کیا گیا۔ ورکنگ گروپ تعاون کو فروغ دینے کے حوالے سے حتمی سفارشات تیار کرے گا۔ اس موقع پر بات چیت کرتے ہوئے چینی کمپنی کے چیئرمین نے کہا کہ پنجاب حکومت کے ساتھ قریبی رابطہ رکھ کر تعاون کو فروغ دیں گے۔ چین کے قونصل جنرل لانگ ڈنگ بن نے کہا کہ وزیراعلیٰ شہبازشریف نے پنجاب میں سی پیک کے منصوبوں کو انتہائی تیزی سے آگے بڑھایا ہے۔ شہبازشریف کا سی پیک کے منصوبوں میں تعاون لائق تحسین ہے۔ انہو ںنے کہا کہ شہبازشریف انتہائی تیزی سے کام کرکے نتائج حاصل کرتے ہیں اور ان کے کام کرنے کی رفتار انتہائی تیز ہے۔ میں نے گزشتہ روز اورنج لائن میٹرو ٹرین کے منصوبے کا دورہ کیا۔منصوبے پر کام کا معیار بہت اچھا ہے جسے دیکھ کر بہت خوشی ہوئی۔وزیراعلیٰ پنجاب محمد شہبازشریف سے آج یہاں چین کے معروف صنعتی شہر تیان جنسے تعلق رکھنے والے اعلیٰ سطح کے وفدنے ملاقات کی۔ ملاقات کے دوران پنجاب حکومت اور معروف چینی صنعتی شہر تیان جن کے مابین ٹیکسٹائل، گارمنٹس ، سکل ڈویلپمنٹ اور دیگر صنعتی سیکٹرز میں تعاون بڑھانے پر تبادلہ خیال کیا گیا۔ وزیراعلیٰ محمد شہباز شریف نے وفد سے گفتگو کرتے ہوئے کہا کہ سی پیک کے بعد پاک چین تعلقات نئی بلندیوں کو چھو رہے ہیں۔ چین دنیا کی دوسری معاشی طاقت بن چکا ہے ۔ چین نے اپنی عظیم قیادت میں ترقی کا سفر تیزی سے طے کیا ہے اور چین کی تیز رفتار ترقی اقوام عالم کیلئے رول ماڈل ہے۔ انہوں نے کہا کہ سی پیک نے پاکستان اور پنجاب میں سرمایہ کاری کے بے پناہ مواقع پیدا کئے ہیں اور سی پیک کے تحت چین 51 ارب روپے سے زائد کی سرمایہ کاری کر رہا ہے۔ انہوں نے کہا کہ چین کے شہر تیان جن کے ساتھ ٹیکسٹائل، گارمنٹس اور سکل ڈویلپمنٹ کے شعبوں میں تعاون بڑھائیں گے ۔ ٹیکسٹائل اور گارمنٹس سیکٹر میں تعاون بڑھانے کیلئے پنجاب حکومت کا وفد جلد تیان جن شہر کا دورہ کرے گا۔ تیان جن پیپلز ایسوسی ایشن فار فرینڈشپ ود فارن کنٹریز کے نائب صدر چن ویمنگ نے اس موقع پر گفتگو کرتے ہوئے کہا کہ پنجاب حکومت کے ساتھ ٹیکسٹائل، گارمنٹس اور سکل ڈویلپمنٹ کے شعبوں میں ہرممکن معاونت کریں گے۔ وفد کی قیادت تیان جن پیپلز ایسوسی ایشن فار فرینڈشپ ود فارن کنٹریز کے نائب صدر چن ویمنگ کر رہے تھے۔ وزیر اعلیٰ پنجاب محمد شہباز شریف کی زےر صدار ت اجلاس منعقد ہوا ،جس مےںعلامہ اقبال انٹرنےشنل ائےرپورٹ کے توسےعی منصوبے کے حوالے سے مختلف تجاوےز اور امور کا جائزہ لےاگےا۔ اجلاس مےں ائےرپورٹ کے توسےعی منصوبے کےلئے پی اےچ اے کی اراضی پر گاڑےوں کی پارکنگ کے ڈےزائن پر اتفاق کےا اورتوسےعی منصوبے پر کام کے آغاز کی اصولی منظوری دے دی گئی ۔وزےراعلیٰ پنجاب محمد شہبازشرےف نے اجلاس سے خطاب کرتے ہوئے کہا کہ روڈ انفراسٹرکچر ،گرےن بےلٹ کی بحالی ، ہارٹیکلچر اوردےگر امور کے حوالے سے سول ایوی ایشن کےساتھ باقاعدہ معاہدہ کےا جائےگا۔انہوںنے کہا کہ وزےراعظم نوازشرےف کی حکومت عوام کو بہتر سے بہتر سہولتوں کی فراہمی کے پروگرام پر عمل پےرا ہے ۔ علامہ اقبال انٹرنےشنل ائےرپورٹ کی توسےع سے عوام کو بہتر سہولتےں ملےں گی۔انہوںنے کہا کہ آئندہ کی ضرورےات کو مدنظر رکھتے ہوئے گاڑےوں کی پارکنگ کی سہولت بنائی جائے گی۔ انہوںنے کہا کہ کوشش کی جائے کہ جدےد ٹےکنالوجی کے ذرےعے گرےن اےرےا کم سے کم استعمال ہواورپی اےچ اے درختوں کی منتقلی کا کام جلد مکمل کرے ۔پنجاب حکومت نے صوبے مےں ہارٹیکلچر کے ذرےعے منصوبوں کو خوبصورت بناےا ہے اوربڑی محنت کے ساتھ ائےرپورٹ کے سامنے گرےن بےلٹ کو ڈوےلپ کےاہے۔اس گرےن بےلٹ کے باعث ائےرپورٹ کی خوبصورتی مےں بے پناہ اضافہ ہوا ہے۔ائےرپورٹ کے توسےع منصوبے پر عملدر آمد سے گرےن بےلٹ اور روڈ انفراسٹرکچر کی بحالی کے حوالے سے سول اےوی اےشن اتھارٹی کےساتھ معاہدہ کےا جائے گا۔چےف سےکرٹری،سےکرٹری تعمےرو مواصلات،کمشنر لاہورڈوےژن،ڈی جی سول ایوی ایشن اتھارٹی،ڈی جی اےل ڈی اے ،ڈی جی پی اےچ اے اور متعلقہ حکام نے اجلاس مےںشرکت کی۔وزیر اعلیٰ پنجاب محمد شہباز شریف نے سکھ برادری کوبیساکھی کے تہوارکے موقع پر مبارکباددیتے ہوئے کہاہے کہ بےساکھی سکھ برادری کا خوشےوں بھرارواےتی تہوار ہے اوراےک دوسرے کی خوشےوں مےں شرےک ہونے سے بھائی چارے اور ےکجہتی کو فروغ ملتا ہے ۔انہوںنے کہا کہ ہم سب بےساکھی کے تہوار پر سکھ برادری کی خوشےوں مےں برابر کے شرےک ہےں۔انہوںنے کہا کہ پاکستان ہم سب کا ہے اوراسے ہم نے ملکر مضبوط اور عظےم بنانا ہے ۔ پنجاب سمےت پاکستان میں سکھ برادری کے مقدس مقامات موجود ہیںاوراقلیتوں کو بنیادی حقوق کی فراہمی، انکے جان و مال کا تحفظ اور انہیں ترقی کے یکساں مواقع فراہم کرناریاست کی ذمہ داری ہے ۔ انہوںنے کہا کہ آئین پاکستان کے تحت ملک میں بسنے والی تمام اقلیتی برادریو ں کو یہاں رہنے اور کام کرنے کا پورا حق حاصل ہے۔ انہوںنے کہا کہ پاکستان میں سکھ برادری سمیت دےگر مذاہب کے ماننے والوں کو اپنے عقائد کے مطابق زندگی بسر کرنے کی مکمل آزادی ہے ۔وزےراعلیٰ نے کہا کہ حکومت بین المذاہب ہم آہنگی پر یقین رکھتی ہے اور اس کےلئے ٹھوس اقدامات کئے گئے ہیں ۔انہوںنے کہا کہ سکھ برادری کے گوردواروں کی دیکھ بھال ، تزئین و آرائش اور سکیورٹی پر خصوصی توجہ دی گئی ہے۔ سکھ برادری کو مذہبی رسومات کی ادائیگی کیلئے ہرطرح کی سہولتےں فراہم کی گئی ہےں۔ انہوںنے کہا کہ پنجاب حکومت نے سکھ برادری سمیت تمام اقلیتوں کی فلاح وبہبود کیلئے ٹھوس اقدامات کئے ہیں۔انہوںنے کہا کہ اقلیتوں کیلئے ملازمتوں میں مختص کردہ کوٹے پر پوری طرح عملدرآمد ہو رہا ہے اور وزیر اعظم نواز شریف کی قیادت میں مسلم لیگ(ن) کی حکومت نے اقلیتوں کے حقوق کے تحفظ کو یقینی بنایا ہے۔ وزیراعلیٰ پنجاب محمد شہبازشریف نے گریٹر اقبال پارک کے پراجیکٹ ڈائریکٹر جاوید حامد پر فائرنگ کے واقعہ کا نوٹس لیتے ہوئے سی سی پی او لاہور سے رپورٹ طلب کرلی ہے۔ وزیراعلیٰ نے واقعہ میں ملوث ملزمان کی فوری گرفتاری کا حکم دیا ہے۔وزیراعلیٰ پنجاب محمد شہبازشریف نے کہا ہے کہ نوبل انعام یافتہ پاکستانی طالبہ ملالہ یوسف زئی پاکستان کا قابل فخر اثاثہ ہے اور کینیڈا کی پارلیمنٹ سے خطاب اورکےنےڈا کی اعزازی شہریت ملنا ملالہ یوسف زئی کیلئے ایک اور اعزاز ہے۔ انہوں نے کہا کہ ملالہ یوسف زئی نے کم عمری میں کئی بین الاقوامی اعزازات حاصل کرکے ملک و قوم کا نام روشن کیا ہے۔انہوںنے کہا کہ فروغ تعلیم کیلئے ملالہ کی جدوجہد قابل ستائش ہے اور امن کیلئے بھی ملالہ کا کردارلائق تعریف ہے۔انہوں نے کہا کہ ملالہ یوسف زئی پاکستان کی بہادر بیٹی ہے اور قوم کو اس پر فخر ہے۔

لاہور (کرائم رپورٹر) صوبائی دارالحکومت میں بچوں کے اغوا کا سلسلہ ایک بار بھی سے شروع ہو گیا۔ 2دن کے دوران مختلف علاقوں سے تین طالبات سمیت 6معصوم بچوں کو اغوا کر لیا گیا ہے جبکہ اغوا ہونے والے بچوں میں سے ایک بچے کو اس کی ماں کے سامنے موٹرسائیکل سوار اٹھا کر لے گئے۔ ذرائع کے مطابق پرانی انارکلی کبوتر ہاﺅس کے قریب ادیبہ شہزادی اپنے 8سالہ بیٹے انوش کے ہمراہ کھڑی رکشہ کا انتظار کر رہی تھی کہ موٹرسائیکل پر سوار دو نامعلوم افراد آئے اور زبردستی انوش کو اغوا کر کے فرار ہو گئے جبکہ ہربنس پو رہ کے علاقے سلامت پورہ میں سلطان کی دو بیٹیاں 8سالہ ماہ نور اور 10سالہ انیبہ کو سکول سے واپسی پر اغوا کر لیا گیا۔ ٹاﺅن شپ میں شہباز کی بیٹی پانچویں جماعت کی طالبہ گھر سے سکول گئی اور واپسی پر اسے بھی اغوا کر لیا گیا۔ اسی طرح شادباغ میں غلام علی کے سات سالہ بیٹے شکیل اور شادمان میں رحمت علی کے 11سالہ بیٹے شان کو نامعلوم افراد نے اغوا کرلیا۔ اس طرح ایک پھر سے شہر میں اغوا کی وارداتوں میں خطرناک حد تک اضافہ ہوتا جا رہا ہے جبکہ لاہور پولیس اغواشدہ بچوں اور ان وارداتوں میں ملوث کسی بھی شخص کا سراغ نہیں لگا سکی۔
اغواکار سرگرم

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی اور تجزیہ کار ضیا شاہد نے کہا ہے کہ بھارتی جاسوس کلبھوشن کے حوالے سے حکومت پر سفارتی دباﺅ آنا شروع ہو گیا ہو گا، وزیراعظم نے آرمی چیف سے ملاقات کی اور اس معاملہ پر کھل کر بات کی ہے، کور کمانڈر کانفرنس میں بھی اس معاملہ پر بحث ہوئی۔ وفاقی حکومت فیصلہ کر چکی ہے کہ کلبھوشن کے معاملہ پر کوئی بیرونی دباﺅ قبول نہیں کرے گی اور قانون کے مطابق اس معاملہ سے نمٹا جائے گا۔ میرے خیال میں کلبھوشن کو سزا دینے کے معاملے پر بھی قوم کو زیادہ انتظار نہیں کرنا پڑے گا۔ بھارت میں پاکستانی ہائی کمشنر عبدالباسط نے بھارتی ٹی وی کی انٹرویو دیتے ہوئے بڑی وضاحت اور بے لاگ انداز میں ہر سوال کا جواب دیا اور ہر الزام کو جھٹلایا، کلبھوشن بارے بتایا کہ وہ 2003ءسے بلوچستان میں سرگرم رہا کبھی ایران، کبھی بلوچستان میں رہائش پذیر رہا، جعلی نام سے سفر کرتا تھا۔ سینئر صحافی نے کہا کہ کلبھوشن بھارتی نیوی میں حاضر سروس افسر تھا اب ممکن ہے کہ کاغذوں میں اسے ریٹائر کر دیا گیا ہو۔ حیرانگی تو مشیر خارجہ سرتاج عزیز پر ہوتی ہے کہ اتنے سینئر آدمی ہیں انتہائی اہم عہدوں پر براجمان رہے تاہم جتنی غیر محتاط گفتگو کرتے ہیں وہ سمجھ سے باہر ہے۔ ہائی کمشنر عبدالباسط کو بھی سب سے مشکل اس سوال کا جواب دینا پڑی جس میں پوچھا گیا کہ ”آپ کے مشیر خارجہ نے 3 ماہ قبل سینٹ میں بیان دیا کہ ہمارے پاس کلبھوشن کے خلاف کوئی معلومات نہیں اور انکوائر بھی مکمل نہیں ہوئی۔ جبکہ آپ آج کوئی اور بات کر رہے ہیں“ وزیراعظم جب یو این او گئے تھے تو اس وقت بھی بھارتی جاسوس کے حوالے سے ڈوزیئر یو این او کے حوالے کئے تھے بعد میں بھی وقتاً فوقتاً ڈوزیئر بھجوائے جاتے رہے، ہمارے مشیر خارجہ نے کہا اس بات کا ٹھیکہ لے رکھا ہے کہ ہر معاملہ پر حکومت کیلئے شرمندگی پیدا کرنا ہے کیونکہ سرتاج عزیز ایک بار جنرل (ر) راحیل شریف کے حوالے سے بھی حکومتی موقف سے الگ تھلگ بیان دے چکے ہیں۔ سرتاج عزیز کو اپنے بیانات کی وضاحت کرنی چاہئے اور قوم سے معذرت کرنی چاہئے۔ مشیر خارجہ کو چاہئے تھا کہ کلبھوشن کے بارے میں بیان دینے سے قبل حساس اداروں سے ہی معلومات حاصل کر لیتے۔ سینئر صحافی نے کہا کہ ہمارے ایک سابق آرمی افسر کو جن کے بارے سنا ہے کہ کلبھوشن کی گرفتاری میں نمایاں کردار ادا کیا کہ ” را“ نے باقاعدہ منصوبے کے تحت ٹریپ کیا اور نیپال سے اغوا کر لیا ہے۔ سابق افسر نے اقوام متحدہ اور دیگر ویب سائٹس پر جاب کیلئے اپلائی کیا تھا۔ منصوبہ کے تحت انہیں جاب کی آفر کی گئی جو حکومت نیپال کی جانب سے تھی، نیپال میں حکام نے انہیں ریسیو کیا اور ساتھ لے گئے پھر خبر آ گئی کہ لاپتہ ہیں۔ ”را“ نے یقینی طور پر انہیں اغوا کیا ہے۔ لگتا یہی ہے کہ بھارتی حکومت کلبھوشن کے معاملہ پر انہیں استعمال کرنا چاہتی ہے۔ حکومت کو یو این او سے بات کرنی چاہئے کہ ہمارا شہری تو بھارت گیا ہی نہیں، وہ تو نیپال گیا پھر ”را“ کا اسے اغوا کرنا کیا معنی رکھتا ہے۔ سینئر تجزیہ کار نے کہا کہ بھارتی میڈیا کا رویہ پرو گورنمنٹ ہوتا ہے خاص طور پر خارجہ معاملات میں تو 100 فیصد حکومت کو سپورٹ کی جاتی ہے۔ مقبوضہ کشمیر میں ظلم و ستم ڈھانے والے بھارت کو کلبھوشن کے بارے میں تو بڑی فکر ہے اور بڑی انسانیت یاد آتی ہے جبکہ یو این نے مقبوضہ کشمیر میں فیکٹ فائنڈنگز مشن بھیجنا چاہا تو اجازت نہ دی، یو این مشن کے کشمیر جانے کی اجازت نہ دینے والا بھارت آج کس منہ سے یو این، ایمنسٹی انٹرنیشنل کو یاد کر رہا ہے۔ سینئر صحافی نے وزیراعلیٰ سندھ کے بیان پر تبصرہ کرتے ہوئے کہا کہ صوبائی حقوق ضرور ہونے چاہئیں تاہم 18 ویں ترمیم کے بعد تو انتہا ہو گئی ہے یوں لگتا ہے کہ ملک میں چار ملک بن گئے ہیں، سوائے فوج، مواصلات اور کرنسی کے کوئی چیز مشترک نظر نہیں آتی۔ کبھی وزیراعلیٰ کے پی کے تڑی لگاتا ہے کبھی بلوچستان سے دھمکیاں آتی ہیں اب وزیراعلیٰ سندھ تڑی لگا رہے ہیں۔ پیپلزپارٹی جس کی سینٹ میں اکثریت ہے کو تو ایسا رویہ اختیار نہیں کرنا چاہئے اور بات چیت سے معاملات حل کرنے چاہئیں۔ سرگودھا میں بچوں کی فحش فلمیں اور تصاویر کی خبر پر تبصرہ کرتے ہوئے سینئر صحافی نے کہا کہ قصور میں بھی ایسا ہی بھیانک واقعہ سامنے آیا تھا بچوں کی فحش فلمیں بنائی جاتی اور پھر بلیک میل کر کے مظلوم والدین سے بھاری رقوم بھی ہتھیائی جاتی تھیں کوئی بتائے کہ اس کے مجرموں کا کیا ہوا، ہماری عدالتیں ان معاملات میں اپنے فرائض بالکل بھی ٹھیک طریقے سے انجام نہیں دے رہیں، ایسے واقعات کے مقدمات کو دہشتگردی کی عدالت میں چلانا چاہئے اور 3 ماہ کے اندر مجرموں کو سخت سزائیں دینی چاہئیں پھر ہی ایسے واقعات پر قابو پایا جا سکتا ہے۔