اسلام آباد (مانیٹرنگ ڈیسک) حکومت نے سٹیٹ بنک کے گورنر کی تعیناتی کا اصولی فیصلہ کرلیا۔ نئے گورنر سٹیٹ بنک کیلئے 2 نام فائنل کرلئے گئے ان میں سے ایک کا تقرر کئے جانے کا امکان ہے۔ سٹیٹ بنک گورنر کیلئے طارق باجوہ اور وقار مسعود کے نام سامنے آئے ہیں۔ طارق باجوہ سابق چیئرمین ایف بی آر، سیکرٹری خزانہ رہ چکے ہیں اور اسحاق ڈارکے قریبی ساتھیوں میں شمار ہوتے ہیں۔ ان کے بھائی ارشد باجوہ محکمہ شماریات کے سربراہ اور رورل سپورٹ پروگرام کے بھی سربراہ ہیں۔ دوسرے امیدوار وقار مسعود سابق سیکرٹری خزانہ، 5 سال تک سٹیٹ بنک بورڈ کے ممبر رہے ہیں۔
