لاہور (نیٹ نیوز) اسلامی عسکری اتحاد کے سربراہ سابق آرمی چیف جنرل (ر) راحیل شریف سعودی عرب سے خصوصی طیارے میں لاہور پہنچ گئے ہیں۔ نجی ٹی وی کے مطابق راحیل شریف پاکستان میں دو روز قیام کریں گے جبکہ وہ سعودی حکومت کے خصوصی طیارے کے ذریعے لاہور آئے ہیں اور ان کے ساتھ ایک سعودی ساتھی بھی ہیں ،جہاز کے عملے کو لاہور کے نجی ہوٹل میں ٹھہرایا گیاہے تاہم طیارہ آج رات ہی گیارہ بجے واپس سعودی عرب کیلئے روانہ ہو جائے گا۔
