قصور(بیورورپورٹ)لاہور پولیس میں تعینات شیر جوان نے دوسری شادی سے منع کرنے پر اپنی بیوی کو مبینہ طور پر زہر دیکر ہلاک کر دیا مقتولہ آسیہ بی بی تین چوں کی ماں تھی سب سے چھوٹے شیر خوار بچے کی عمر ایک ماہ ہے آسیہ بی بی کے والد اور والدہ نے روتے ہوئے بتایا کہ وہ چھانگا مانگا کے علاقہ کے مکین ہےں اور ان کا داماد آصف علی پولیس میں ملازم ہے جو ان دنوں کاہنہ تھانہ سی آئی اے میں ڈیوٹی کر رہا ہے انکی بیٹی کی شادی قصور کے نواحی علاقہ کھڈیاںمیں ہوئی تاہم آصف علی آئے روز انکی بیٹی کو بدترین تشددکانشانہ بناتا اور آسیہ بی بی بیچاری جسم پر زخم اور زبان پر شکایتیں لیے اپنے والدین کے ہاں چلی جاتی کئی بار پنچائت کے ذریعے آصف علی آسیہ بی بی کو واپس لیکر آیا اور یہ یقین دہانی کرا کے آیا کہ وہ آئندہ سے آسیہ کو تشددکانشانہ نہیں بنائے گا اس دوران ان کے ہاں تین بچوں کی ولادت ہوئی جو حیات ہیں ملزم دوسری شادی کرنے کا متمنی تھا او راسی بناءپر ان کے گھر میں جھگڑا شروع ہوجاتا تھا جبکہ آصف علی کے رشتہ دار بھی اس کی دوسری شادی کے حامی تھے اور اس کی بیوی پر دباﺅ ڈالتے رہتے تھے کہ وہ دوسری شادی پر آمادہ ہوجائے تاہم آسیہ بی بی اس معاملہ پر احتجاج شروع کر دیتی آخری مرتبہ بھی اسی بات پر جھگڑا ہوا تو آصف اور اس کی والدہ نے آسیہ بی بی کو تشددکانشانہ بنایا تو وہ ہمارے ہاں چلی گئی جسے بچے کی پیدائش کے بعد آصف علی وغیرہ پھر معافی مانگ کر واپس لے آئے وقوعہ کے روز ملزمان نے آسیہ بی بی کو ہمیشہ کے لیے راستے سے ہٹانے کا پروگرام بنایا اور اسے زہر دیکر ہلاک کر دیا پولیس نے تاحال مقدمہ درج نہیں کیا جبکہ آسیہ بی بی کے والدین کا کہنا ہے کہ پولیس اپنی پیٹی بند بھائی کےخلاف کاروائی نہیں کرنا چاہتی۔
پولیس کے شیر جوان نے بیوی کو زہر دے کر مار دیا
