بنگلور (اے پی پی) رواں انڈین پریمیئر لیگ کے گیارہویں ایڈیشن میں چنائی سپر کنگز کے خلاف کھیلے گئے میچ میں سلو اوور ریٹ کی بناءپر رائل چیلنجرز بنگلور کے کپتان ویرات کوہلی پر 12 لاکھ روپے جرمانہ عائد کر دیا گیا۔ انڈین پریمیئر لیگ گورننگ کونسل کی طرف سے جاری کردہ بیان کے مطابق رائل چیلنجرز بنگلور کی ٹیم چنائی سپر کنگز کے خلاف کھیلے گئے میچ میں مقررہ وقت میں اوورز ختم کرانے میں ناکام رہی جس کی پاداش میں کوہلی پر 12 لاکھ روپے جرمانہ عائد کر دیا گیا۔