ویمنز ٹیم کی کارکردگی خوش آئند ، ایشیا کپ میں کم بیک کیا : وسیم ، سکاٹ لینڈ کیخلاف ٹیم کو زیادہ مشکل نہیں پیش آئیگی : منور حسن کی چینل ۵ کے پروگرام ” گگلی “ میں گفتگو

لاہور (مانیٹرنگ ڈیسک) فرسٹ کلاس کرکٹ وسیم خان نے کہا ہے کہ افغانستان نے بنگلہ دیش کے خلاف پہلی سیریز جیت کر اچھی کارکردگی کا مظاہرہ کیا۔ چینل ۵ کے پروگرام گگلی سے گفتگو کرتے ہوئے انہوں نے کہا کہ انٹرنیشنل سطح پر بھی ٹیموں میں تبدیلی دکھائی ہے۔ دن بہ دن کرکٹ کے دیوانوں میں اضافہ ہورہا ہے جوکہ ایک خوش آئند بات ہے ویمن ٹیم نے بھی بہترین فن کے جوہر دکھائے کہ پاکستان کا نام روشن کیا ویمن ٹی ٹونٹی میں پاکستانی ٹیم کا سری لنکا کو 23رنز سے ہرانا محنت اور لگن کا منہ بولتا ثبوت ہے۔ سپورٹس جرنلسٹ منور حسین نے کہا ہے کہ سری لنکا اور ویسٹ انڈیز سیریز کا آغاز دلچسپ ہوگا۔ پاکستان ٹی 20 میں اچھے اور قابل کھلاڑی موجود ہیں۔ اس لئے قوم کی ان سے بہت سی امیدیں وابستہ ہیں نئے کھلاڑیوں پر تقریباً ہر چینل میں سینئرز تبصرے کررہے ہیں۔ پی ایس ایل نے اچھے اور نئے ٹیلنٹ ٹیم کو دیئے ہیں۔ کرکٹ بورڈ کو یہ ٹیلنٹ صحیح مواقع پر استعمال کرکے دنیا کو دکھانا ہوگا۔ پاکستان میں ٹیلنٹ کی نہیں بلکہ مواقع کی کمی ہے۔