کراچی(ویب ڈیسک) انٹر بینک میں ڈالر 61 پیسے مہنگا ہوکر 122 روپے کی بلند ترین سطح پر آگیا۔فاریکس ڈیلرز ایسوسی ایشن کے مطابق انٹربینک میں ڈالر 61 پیسے مہنگا ہوا جس سے اوپن مارکیٹ میں بھی ڈالر کی قیمت میں اضافہ ہوا۔فاریکس ڈیلرز کے مطابق انٹربینک میں ڈالر 122 روپے کی سطح پر پہنچ گیا جب کہ اوپن مارکیٹ میں 1.5 روپے مہنگا ہوکر 124 روپے 50 پیسے تک آگیا ہے۔معاشی ماہرین کا کہنا ہےکہ 8 جون 2018 سے اب تک انٹربینک میں ڈالر 6.38 روپے مہنگا ہوچکا ہے۔

اسلام آباد(ویب ڈیسک) عام انتخابات 2018 کے لیے پاکستان تحریک انصاف (پی ٹی آئی) کے چیئرمین عمران خان، سابق وزیراعظم شاہد خاقان عباسی اور سابق پی ٹی آئی رکن عائشہ گلالئی کے قومی اسمبلی کے حلقے این اے 53 سے جمع کرائے جانے والے کاغذات نامزدگی مسترد کردیئے گئے۔واضح رہے کہ جسٹس اینڈ ڈیمو کریٹک پارٹی کے امیدوار عبدالوہاب کی جانب سے عمران خان کے خلاف اعتراضات ریٹرننگ افسر کو جمع کرائے گئے تھے، جس پر دونوں فریقین کے وکلائ کی جانب سے دلائل مکمل ہونے کے بعد ریٹرننگ افسر (آر او) نے اعتراضات پر فیصلہ محفوظ کیا، جو اب سنا دیا گیا۔عمران خان کے وکیل بابر اعوان نے آج ریٹرننگ افسر کے سامنے اپنے دلائل میں کہا کہ درخواست کنندہ نے اعتراضات میں اخباری تراشے اور فوٹو اسٹیٹ کاپیاں جمع کرائیں، جس پر یقین نہیں کیا جاسکتا اور فوٹو کاپیوں پر یقین کرنے کا مقصد امیدواروں کو انتخابات کے بنیادی حقوق سے محروم رکھنا ہے۔بابر اعوان نے دلائل میں کہا کہ درخواست کنندہ سیتا وائٹ کیس سے متعلق امریکی عدالت کے ایک فیصلے کو سامنے لایا، ساتھ ہی انہوں نے سوال کیا کہ امریکی عدالت کے فیصلے میں بچی کے باپ کا نام کہاں لکھا گیا؟ پی ٹی آئی چیئرمین کے وکیل نے کہا کہ درخواست گزار کی جانب سے جمع کرائے گئے کاغذات میں شامل حلف نامے میں یہ نہیں پتہ کہ کونسا عمران خان ہے، یہ حلف نامہ 18 نومبر 2004 کو لاہور میں تیار کیا گیا اور 19 نومبر یہ کاغذ ا±ڑ کر امریکی عدالت میں پہنچ گیا جبکہ ا±س وقت پاکستان سے امریکا کے لیے براہ راست فلائٹ بھی نہیں جاتی تھی۔اس موقع پر ریٹرننگ افسر نے کہا کہ کاغذات سے یکسر انکار بھی نہیں کیا گیا، جس پر وکیل بابر اعوان نے کہا کہ کل ہم نے ان کاغذات کو مسترد کیا ہے جب کہ سپریم کورٹ نے عمران خان کو صادق اور امین قرار دیا ہے۔واضح رہے کہ گزشتہ روز عمران خان کی جانب سے معاون وکیل کے ذریعے جواب جمع کرایا گیا تھا، جس میں مو¿قف اختیار کیا گیا کہ ان کے خلاف اٹھائے جانے والے اعتراضات بے بنیاد اور فریب کاری پر مبنی ہیں۔جواب میں مزید کہا گیا تھا کہ اعتراضات فوٹو اسٹیٹ کاغذات پر مشتمل اور غیر تصدیق شدہ ہیں جو جعل سازی کے زمرے میں آتے ہیں۔تحریری جواب کے مطابق بیرون ملک سے کاغذات منگوانے اور بھجوانے کا قانونی طریقہ کار موجود ہے جبکہ عمران خان پر اعتراضات کے کاغذ پکوڑے لپیٹنے کے کام بھی نہیں آسکتے۔

اسلام آباد(ویب ڈیسک) پاکستان تحریک انصاف (پی ٹی آئی) کے سربراہ عمران خان کی رہائش گاہ بنی گالہ کے باہر ملتان سے آئے کارکنان آپس میں لڑ پڑے اور آزادنہ ڈھنڈے استعمال کیے۔واضح رہے کہ گزشتہ کئی دنوں سے انتخابی ٹکٹ کے معاملے پر بنی گالہ کے باہر خیبرپختونخوا اور پنجاب کے پارٹی ورکرز اور رہنماو¿ں کی جانب سے احتجاجی مظاہرہ جاری ہے، مظاہرین کا مطالبہ ہے کہ ٹکٹ ان کے رہنماو¿ں کو دیا جائے۔گزشتہ روز ورکرز کی جانب سے شدید احتجاج کے بعد عمران خان نے اپنے خطاب میں واضح کیا تھا کہ ‘پارٹی ٹکٹ کے معاملے پر اپنا فیصلہ واپس نہیں لیں گے’۔ڈان نیوز کی نمائندہ کے مطابق احتجاج میں شریک دیگر شرکاءنے لڑنے والے کارکنان میں بیچ بچاو¿ کیا تاہم لڑائی میں کسی کو جانی نقصان نہیں ہوا جبکہ متعدد کارکنان معمولی زخمی ہوئے ہیں۔اس حوالے سے بتایا گیا کہ ‘عمران خان کی رہائش گاہ کے باہر ٹینٹ نصب کردیئے گئے ہیں جہاں مظاہرین کے لیے دیگیں بھی چڑھا دی گئی ہے’۔علاوہ ازیں مظاہرین نے واضح کیا کہ عیدالفطر کی چھٹیوں پر وہ اپنے گھر نہیں گئے، جب تک انتخابی ٹکٹ کا معاملہ عمران خان کے ساتھ طے نہیں پاتے، وہ بنی گالہ سے واپس نہیں جائیں گے۔اس ضمن میں مزید بتایا گیا کہ ‘ملتان سے آئے مظاہرین کا موقف ہے کہ پارٹی کی جانب سے سکندر بوسن کو انتخابی ٹکٹ دینے کے بجائے ان کے رہنما کو ٹکٹ دیا جائے’۔خیال رہے کہ عمران خان دو بار احتجاجی مظاہرین ملے تاہم کوئی حتمی نتائج سامنے نہیں آسکے۔

اسلام آباد(ویب ڈیسک ) عام انتخابات 2018 کے لیے پاکستان تحریک انصاف (پی ٹی آئی) کے چیئرمین عمران خان کے قومی اسمبلی کے حلقے این اے 53 سے جمع کرائے جانے والے کاغذات نامزدگی مسترد کردیئے گئے۔عمران خان کے کاغذات نامزدگی بیان حلفی کی شق این کے تحت مسترد کیے گئے۔واضح رہے کہ جسٹس اینڈ ڈیمو کریٹک پارٹی کے امیدوار عبدالوہاب کی جانب سے عمران خان کے خلاف اعتراضات ریٹرننگ افسر کو جمع کرائے گئے تھے، جس پر دونوں فریقین کے وکلاءکی جانب سے آج دلائل مکمل کیے گئے۔فریقین کے دلائل مکمل ہونے کے بعد آر او نے اعتراضات پر فیصلہ محفوظ کرلیا جو کچھ دیر بعد ہی سنائے جانے کا امکان ہے۔ عمران خان کے وکیل بابر اعوان نے اپنے دلائل میں کہا کہ درخواست کنندہ نے اعتراضات میں اخباری تراشے اور فوٹو اسٹیٹ کاپیاں جمع کرائیں جس پر یقین نہیں رکھ سکتے اور فوٹو کاپیوں پر یقین کرنے کا مقصد امیدواروں کو انتخابات کے بنیادی حقوق سے محروم رکھنا ہے۔بابر اعوان نے دلائل میں کہا کہ درخواست کنندہ امریکی عدالت کے ایک فیصلے کو سامنے لایا، امریکی عدالت کے فیصلے میں بچی کے باپ کا نام کہاں لکھا گیا؟ باپ کا نام نہیں، یہ فوٹو کاپیاں ہیں۔عمران خان کے وکیل نے کہا کہ خالہ کو نہیں پتہ اس کا باپ کون ہے، حلف نامے میں نہیں پتہ کونسا عمران خان ہے اور حلف نامہ نومبر 18 سال 2004 کو لاہور میں تیار کیا گیا اور یہ کاغذ 19 نومبر کو اڑ کر امریکی عدالت میں پہنچ گیا، اس وقت پاکستان سے امریکا کے لیے براہ راست فلائٹ بھی نہیں جاتی تھی۔اس موقع پر ریٹرننگ افسر نے کہا کہ کاغذات سے یکسر انکار بھی نہیں کیا گیا جس پر وکیل بابر اعوان نے کہا کہ کل ہم نے ان کاغذات کو مسترد کیا ہے جب کہ سپریم کورٹ نے عمران خان کو صادق اور امین قرار دیا ہے۔ گزشتہ روز عمران خان کی جانب سے وکیل کے ذریعے جواب جمع کرایا گیا جس میں مو¿قف اختیار کیا گیا کہ ان کے خلاف اٹھائے جانے والے اعتراضات بے بنیاد اور فریب کاری پر مبنی ہیں۔جواب میں مزید کہا گیا تھا کہ اعتراضات فوٹو اسٹیٹ کاغذات پر مشتمل اور غیر تصدیق شدہ ہیں جو جعل سازی کے زمرے میں آتے ہیں۔تحریری جواب کے مطابق بیرون ملک سے کاغذات منگوانے اور بھجوانے کا قانونی طریقہ کار موجود ہے اور عمران خان پر اعتراضات کے کاغذ پکوڑے لپیٹنے کے کام بھی نہیں آسکتے۔

اسلام آباد (ویب ڈیسک)سابق صدر پرویز مشرف، ایم کیوایم کے رہنما ڈاکٹر فاروق ستار اور جماعت اسلامی کےنائب امیر اسداللہ بھٹو کے کاغذات نامزدگی مسترد کردیئے گئے۔ڈاکٹر فاروق ستار نے عام انتخابات میں حصہ لینے کے لیے قومی اسمبلی کی نشست پر کراچی کے تین حلقوں سے کاغذات نامزدگی جمع کرائے ہیں جن میں این اے 245،241 اور 247 کے حلقے شامل ہیں۔ریٹرننگ افسر احسان خان نے حلقہ این اے 245 سے ڈاکٹر فاروق ستار کے کاغذات نامزدگی کی جانچ پڑتال کی جس کےبعد انہیں مسترد کردیا گیا۔ریٹرننگ افسر نے بتایا کہ ایم کیوایم رہنما فاروق ستار 2 مقدمات میں مفرور ہیں اور انہوں نے کاغذات نامزدگی میں مفروری کا ذکر نہیں کیا جس بنائ پر ان کے کاغذات مسترد کیے گئے۔ ایم کیوایم کے رہنما فاروق ستار نے کہا کہ اب تک 28 مقدمات میں ضمانت کراچکا ہوں، ریٹرننگ افسر نے جن مقدمات کا ذکر کیا ان میں بھی مقامی عدالتوں سے ضمانتیں کراو¿ں گا جب کہ سندھ ہائیکورٹ میں کل اپیل دائر کروں گا۔دوسری جانب آل پاکستان مسلم لیگ کے سربراہ اور سابق صدر جنرل (ر) پرویز مشرف کے این اے 1 چترال سے کاغذات نامزدگی مسترد کردیئے گئے ہیں جہاں ریٹرننگ افسر محمد خان نے ان کے کاغذات مسترد کیے۔اے پی ایم ایل کے رہنما ڈاکٹر امجد نے کہا کہ پرویز مشرف اس بار نااہل ہونے پر الیکشن میں حصہ نہیں لے سکیں گے لیکن ہم انتخابات میں بھرپور حصہ لیں گے اور اس بار بائیکاٹ نہیں ہوگا۔انہوں نے بتایا کہ پرویز مشرف وطن واپس ا?نا چاہتے تھے لیکن ان کی واپسی میں رکاوٹ پیدا کی جارہی ہے، جب مشرف واپس نہیں ا?تے تو کہا جاتا ہے کہ وہ واپس نہیں ا?نا چاہتے اور جب ا?نا چاہتے ہیں تو ان کا شناختی کارڈ، پاسپورٹ بلاک کردیا جاتا ہے۔واضح رہے کہ سپریم کورٹ نے پرویز مشرف کی تاحیات نااہلی سےمتعلق کیس میں انہیں عدالت میں پیش ہونے کا حکم دیا تھا تاہم وطن واپس نہ ا?نے پر عدالت نے سابق صدر کے کاغذات نامزدگی جمع کرانے کا حکم واپس لے لیا تھا۔علاوہ ازیں کراچی کے حلقہ این اے242 سے جماعت اسلامی کےنائب امیر اسداللہ بھٹو کے کاغذات نامزدگی بھی مسترد کردیئے گئے ہیں۔جماعت اسلامی اور متحدہ مجلس عمل کے امیدوار اسداللہ بھٹو بینک ڈیفالٹر کی لسٹ میں شامل تھے جس بنائ پر ان کےکاغذات مسترد کیے گئے۔اسداللہ بھٹو کا کہنا ہےکہ وہ ڈیفالٹر نہیں ہیں یہ بینک کی غلطی ہے جس پر عدالت جائیں گے۔

اسلام آباد (مانیٹرنگ ڈیسک) چیئرمین تحریک انصاف عمران خان نے کہا ہے کہ ٹکٹوں کی تقسیم کے معاملے پر کسی سے بلیک میل نہیں ہونگا چاہے میرے گھر کے باہر 10 ہزار کارکنان بھی جمع ہوکر احتجاج کریں تو بھی اپنا فیصلہ تبدیل نہیں کرونگا۔ بنی گالہ میں دھرنا دینے والے پی ٹی آئی کے امیدواروں اور کارکنوں سے خطاب کرتے ہوئے عمران خان کا کہنا تھا کہ ٹکٹوں کی تقسیم کے حوالے سے بورڈ نے جو فیصلے کئے وہ کسی صورت تبدیل نہیں کئے جائیں گے۔ چاہے 10 ہزار کارکنان بھی دھرنا دے دیں۔ فیصلے ہرگز تبدیل نہیں ہونگے کیونکہ اگر آج چند لوگوں کی موجودگی پر فیصلے تبدیل کئے تو کل اس سے زیادہ تعداد میں لوگ جمع ہوکر آئیں گے تو وہ بھی مطالبات پیش کریںگے۔ عمران خان نے دو ٹوک الفاظ میں کہا کہ وہ کسی کے دباﺅ میں نہیں آئیں گے اور نہ کسی بلیک میلنگ کا شکار ہوں گے جن امیدواروں کو شکایات ہیں وہ درخواست جمع کرائیں اور دلائل دیں ہم ان کی درخواستوں پر نظرثانی کریں گے اور میرٹ پر فیصلے کریں گے لیکن کسی کے احتجاج پر فیصلے تبدیل نہیں کریں گے۔ چیئرمین تحریک انصاف عمران خان نے کہا ہے کہ ساڑھے چار ہزار امیدواروں نے ٹکٹ کیلئے اپلائی کیا۔ 500کے قریب ٹکٹ جاری کئے ہیں۔ 22سالہ جدوجہد میں موجودہ وقت بہترین ہے۔ پوری تیاری کے ساتھ الیکشن میں اتر رہے ہیں قوم نے تبدیلی لانے کا فیصلہ کرلیا۔ عوامی ٹیکس کا پیسہ خود پر خرچ کرنے والے وی آئی پی کلچر کے حامی ہیں۔ الیکشن میں واضح اکثریت حاصل کرینگے۔ پنجاب اور کے پی میں حکومت بنائیں۔ بھاری قرضوں سے کیسے نمٹا جائے گا۔ الیکشن کمیشن میں عوام کو آگاہ کرینگے اس بار الیکشن میں 2013کی تحریک انصاف کی عوامی لہر سے بھی بڑی لہر اٹھے گی۔ جو کرپٹ مافیا کو بہا لے جائے گی۔ نجی ٹی وی سے خصوصی گفتگو کرتے ہوئے عمران خان نے کہا کہ سیٹ ایڈجسٹمنٹ بہت کم کرینگے۔ واضح اکثریت لیکر حکومت بنائیں گے۔ اتحادی حکومت نہیں بنانا پڑے گی۔ کرپشن بڑا ایشو ہے عوام کا شعور بڑھا ہے شہبازشریف نے 10سال میں ساڑھے 6ہزار ارب کا ترقیاتی فنڈ استعمال کیا پنجاب میں عام آدمی کو کیا ملا۔ صورتحال سامنے ہے صحت تعلیم اور بنیادی ضروریات پر کتنا خرچ کیا۔ لیگی حکومت ملک کو بڑے معاشی بحران میں چھوڑ کر گئی ہے معاشی حوالے سے بڑے اقدامات اٹھانا ہونگے۔ تحریک انصاف نے حکومت بنائی تو اس اسد عمر کو وزیر خزانہ بنائیں گے۔ جنہوں نے اپنی ٹیم بنانا شروع کردی ہے۔ انقلابی اقدامات اٹھائیں گے اور قوم کو ساتھ ساتھ آگاہ کرینگے ملک میں گورننس بہتر ہوگی تو اوورسیز پاکستانی سب سے بڑے سرمایہ کار ہونگے۔ آئی ایم ایف کے پاس جانے کا آپشن ففٹی ففٹی ہے انصاف گڈ گورننس کی ریڑھ کی ہڈی ہوتا ہے۔ ہم نے کے پی میں قانون سازی کی جس سے تمام کیسز ایک سال کے اندر نمٹائے جائیں گے۔ قبضہ گروپ وجود میں اس لئے آتے ہیں کہ پراپرٹی کیسز عدالتوں میں لٹکے رہتے ہیں۔ ہمارا حکومت بنانے کا مقصد پاکستان کو دلدل سے نکالنا ہے۔ نوازشریف اور آٓصف زرداری کے ساتھ مل کر حکومت بنانے سے بہتر ہے کہ حکومت ہی نہ بنائیں۔ تمام جماعتیں جن کی لیڈر شپ کی سیٹ ہے ان سے اتحاد نہیں ہوسکتا۔ ملک کے اداروں کو مضبوط بنائیں گے۔ جس طرح کے پی پولیس کو ایک مضبوط ادارہ بنایا ہے تین تین بار اقتدار میں رہنے والوں نے پولیس کا کیا حال کررکھا ہے۔ قوم کے سامنے ہے۔ ملک میں دوغلا قانون چل رہا ہے نوازشریف نے 2سال میں منی ٹریل کا ایک کاغذ تک پیش نہ کیا اور آزاد پھر رہا ہے کوئی اور آدمی ہوتا تو دوسرے ہفتے میں جیل ہوتا۔ زلفی بخاری کرکٹ فین ہونے کی وجہ سے دوست ہے وہ برطانوی شہری ہے۔ کاروبار بھی وہیں کرتا ہے۔ اس سے نیب کیسے پوچھ گچھ کرسکتی ہے۔ پانامہ کیس میں اس کو آف شور کمپنیوں کے نام آئے تو نیب نے اس کیخلاف انکوائری کھول دی۔ اور بلیک لسٹ میں نام ڈال دیا جس کا اسے خود بھی پتہ نہ تھا۔ میں نے زلفی کیلئے کسی کو فون نہیں کیا چیلنج کرتا ہوں کہ اس تبادلے میں نے ایک کال بھی کی یہ بات اتنی بڑی نہیں بھی جتنی بنادی گئی۔ قوم اس وی آئی پی کلچر کے خلاف ہے۔ جو عوامی پیسے خود پر خرچ کرتا ہے جہاز بھر عمرے پر جاتا اور رائے ونڈ محل کے گرد عوامی پیسے سی 70کروڑ کی چار دیواری بنواتا ہے۔ میں نے اپنی زات پر کبھی عوام کا ایک پیسہ خرچ نہیں کیا۔ زلفی بخاری اور حسین نواز کے برطانوی شہری ہونے میں یہ فرق ہے کہ حسین نواز کے والد پر اربوں کی کرپشن کا الزام ہے۔ اس میں کوئی شک نہیں کہ مسائل کے پہاڑ کھڑے ہیں تاہم ہمیں خود پر یقین ہے اگر ہم اپنے دور میں ہی کے پی پولیس کو مثالی ادارہ بناسکتے ہیں تو باقی اداروں کو بھی ٹھیک کرسکتے ہیں میں عوام کا پیسہ اسی کی فلاح پر خرچ کروں گا۔ اور 8ہزار ارب سے زائد ریونیو اکٹھا کرکے دکھاﺅں گا۔ الیکشن کیلئے مکمل تیار ہیں اس بارے ہمارے امیدوار ہیں جو الیکشن کی سائنس سے مکمل آگاہ ہیں۔ عمران خان نے کہا کہ 27ویں پر مدینہ شریف جانا چاہتا تھا تمام فلائٹس بک تھیں اگر پرائیویٹ جہاز نہ ہوتا تو عمرے پر نہ جاتا میں کسی کے ساتھ عمرے پر گیا تو اس میں کیا غلط کیا ہے غلط تب ہوتا کہ اگر میں عوام کا پیسہ استعمال کرکے عمرے پر جاتا۔