مودی ، بھارتی اپوزیشن نے پاکستانی فضائی اور فوجی برتری کو تسلیم کر لیا

نئی دہلی(مانیٹرنگ ڈیسک) بھارتی وزیر اعظم نریندر مودی نے کہا ہے کہ ہمارے پاس رافیل طیارے ہوتے تو نتائج کچھ اور ہوتے لیکن سیاست کی وجہ سے بھارت کا نقصان ہوا۔نئی دلی میں تقریب سے خطاب کرتے ہوئے انہوں نے کہا کہ مجھے دکھ ہوتا ہے جب اپنے ہی لوگ ہماری فوج کا مذاق اڑاتے ہیں، کچھ پارٹیاں اس معاملے پر سیاست کررہی ہیں ان کے بیان اور آرٹیکل کو بھارت کے خلاف استعمال کیا جاتا ہے ایسے لوگ بھارت کو نقصان پہنچا رہے ہیں، کیا آپ لوگوں کو ہماری فوج کی باتوں پر یقین ہے یا نہیں؟ بھارت کو کمزور کرنا بند کردیں۔بھارتی وزیر اعظم نے اپنی فضائیہ کی کمزوری اور ملکی نقصان کا اعتراف کرتے ہوئے کہا کہ آج رافیل طیاروں کی کمی بھارت نے محسوس کی اگر رافیل طیارے ہوتے تو نتائج کچھ اور ہوتے لیکن سیاست کی وجہ سے بھارت کا بڑا نقصان ہوا ہے۔اگر رافیل طیارے خرید لیے گئے ہوتے تو بھارتی فضائیہ بہتر کارکردگی دکھ سکتی تھی، نریندر مودی نے پاک فضائیہ کے مقابلے میں بھارتی فضائیہ کی کمزوری اور نا اہلی کا اعتراف کر لیا، راہول گاندی کہتے ہیں نریندر مودی کی وجہ سے اب تک رافیل طیارے نہیں خریدے جا سکے۔ مودی نے کہا بھارتی فضائیہ پاکستانی ایئر فورس کی ٹکر کی نہیں، رافیل طیارے خرید لیتے تو کارکردگی بہتر ہوتی ، بھارتی وزیراعظم نے شکست مان لی، اپوزیشن رہنما راہول گاندھی نے کہا کہ رافیل طیارے نہ خریدنے کا ذمہ دار مودی ہے، بھارتی اپوزیشن بھی پاکستانی فوجی برتری کی قائل ہو گئی۔