ورلڈکپ میں ناقص کارکردگی، چیف سلیکٹر انضمام الحق نے سب سے بڑا اعلان کر دیا

لاہور (ویب ڈیسک) کے چیف سلیکٹر انضمام الحق نے اپنے عہدے سے سبکدوش ہونے کا اعلان کرتے ہوئے کہا ہے کہ میں ٹیم کیلئے جو کر سکتا تھا، وہ کیا، اب نئے لوگوں کو موقع ملنا چاہئے۔تفصیلات کے مطابق لاہور میں پریس کانفرنس کرتے ہوئے انضمام الحق نے کہا کہ میں اپنے تین سال کے عرصہ میں جو کچھ ٹیم کیلئے کر سکتا ٰتھا، وہ کیا ہے اور اب نئے لوگوں کو موقع ملنا چاہئے کیونکہ اگلے سال ٹی 20 ورلڈکپ آ رہا ہے جس کیلئے لوگوں کو مناسب وقت ملنا چاہئے۔میں کرکٹ بورڈ کا شکریہ ادا کرتا ہوں جنہوں نے مجھے مکمل اختیار دیا اور میرے فیصلوں کی حمایت کی اور اب میں 30 جولائی تک اپنا وقت پورا کرنے کے بعد بطور چیف سلیکٹر سبکدوش ہو جا?ں گا۔ ان کا کہنا تھا کہ میرے خیال سے میں اپنی طرف سے جو کچھ کر سکتا تھا، وہ کیا ہے اور اب بورڈ سے اجازت طلب کر لی ہے۔چیف سلیکٹر نے آئی سی سی کرکٹ ورلڈکپ میں قومی ٹیم کی کارکردگی کو تسلی بخش قرار دیتے ہوئے کہا کہ ہماری ٹیم بہت اچھی تھی اور ماہرین نے بھی پاکستان کو ورلڈکپ جیتنے والی ٹیموں میں شامل کیا تھا مگر قسمت نے ساتھ نہیں دیا۔
\