اسلام آباد(ویب ڈیسک) فاسٹ بولر حسن علی کے بعد آل راو¿نڈر عماد وسیم بھی شادی شدہ کلب میں شامل ہوگئے ہیں۔عماد وسیم اور ثانیہ اشفاق کے نکاح کی تقریب اسلام آباد کی فیصل مسجد میں ہوئی جس میں دلہا اور دلہن کے اہل خانہ نے شرکت کی۔ نکاح کی اس سادہ تقریب میں عماد وسیم نے سفید کرتا شلوار پر کالی ویسٹ کوٹ پہن رکھی تھی جب کہ نکاح کی تقریب کو انتہائی سادہ رکھا گیا تھا۔عماد وسیم نے 26 اگست کو ہونے والی دعوت ولیمہ میں وزیراعظم عمران
خان سمیت قومی کرکٹ ٹیم کے ارکان اور دوست احباب کو بھی مدعو کررکھاہے۔عماد وسیم سے سے پہلے 20 اگست کو فاسٹ بولر حسن علی کا نکاح بھارتی لڑکی سامعیہ آرزو سے ہوا تھا۔ عماد وسیم کی اہلیہ کی فیملی کا تعلق پاکستان سے ہے تاہم وہ ان دنوں برطانیہ میں مقیم ہیں۔
