پاک سری لنکا سیریز، احمد شہزاد اور عمر اکمل کی انٹری یقینی

لاہور: (ویب ڈیسک) ذرائع کے مطابق پاکستان سری لنکا سیریز کیلئے پی سی بی پیر کو 19 کھلاڑیوں کا اعلان کریگا۔ احمد شہزاد اور عمر اکمل کی انٹری یقینی ہوگئی۔احمد شہزاد دو سال بعد جبکہ عمر اکمل ایک سال بعد انٹرنیشنل کرکٹ میں واپسی کریں گے۔ احمد شہزاد ممنوعہ ادویات کے استعمال کرنے پر انٹرنیشنل کرکٹ سے دور رہے۔ممکنہ 19 کھلاڑیوں میں احمد شہزاد اور عمر اکمل کو مصباح الحق نے گرین سگنل دے دیا ہے۔ احمد شہزاد نے آخری ون ڈے انٹرنیشنل 2017ئ میں سری لنکا کے خلاف کھیلا تھا جبکہ آخری ٹی ٹونٹی سکاٹ لینڈ کے خلاف 2018ئ میں کھیلا گیا۔عمر اکمل نے آخری ون ڈے 2019ئ میں آسٹریلیا کے خلاف کھیلا جبکہ ٹی ٹونٹی 2016ء میں ویسٹ انڈیز کے خلاف کھیلا تھا۔ قومی ٹیم کے حتمی 16 کھلاڑیوں کا اعلان 23 ستمبر کو کیا جائیگا۔