عظمیٰ بخاری نور جہاں کی مداح نکل آئیں، شادی کی تقریب میں سر بکھیر دیئے

لاہور: (ویب ڈیسک) پاکستان مسلم لیگ (ن) پنجاب کی ترجمان عظمیٰ بخاری گلوکارہ نور جہاں کی مداح نکل آئیں اور شادی کی تقریب سر بکھیر دیئے۔
تقریب میں عظمیٰ بخاری نے ملکہ ترنم نور جہاں کا گانا آجا ہو بیلیا گایا اور اپنے خاندان کی شادی میں ڈھولک بھی خوب بجائی۔
ن لیگ پنجاب کی ترجمان نے گانے اور ڈھولک سے سرُ ملا کر محفل کو کشتہ زعفران بنا دیا، انہوں نے تقریب میں گولڈن گوٹہ سے مزین ہلکے سبز رنگ کا لباس زیب تن کررکھا تھا۔
خیال رہے کہ گزشتہ دنوں مسلم لیگ (ن) کی رکن پنجاب اسمبلی ثانیہ عاشق کی شادی کی تقریب کا انعقاد کیا گیا جس میں ن لیگ کی نائب صدر مریم نواز سمیت معروف شخصیات نے شرکت کی تھی۔