نارووال: (ویب ڈیسک) کرتارپور راہداری ایک اور بچھڑے ہوئے خاندان کو ملانے کا سبب بن گیا، 50 سال پہلے بچھڑی نند اور بھابھی کرتارپور میں مل گئیں۔
تفصیلات کے مطابق کرتاپور راہداری نے ایک اور خاندان کو ملوادیا، پاکستانی ہندو باوی دیوی کا تعلق ظفروال سے ہے جبکہ دوسری باوی دیوی کا تعلق بھارت کے ضلع گرداسپور سے ہے، 1971 میں دونوں خاندان ایک دوسرے سے بچھڑ گئے تھے ۔
دونوں رشتہ دار خواتین نے ایک دوسرے کو گلے لگایا اور خوشی سے آنکھیں نم ہوگئیں، ہندو خاندان نےکرتارپور میں اپنی پرانی یادیں تازہ کیں، دونوں فیملیز نے کرتارپور میں بابا گورونانک کا لنگر کھایا جبکہ دونوں خاندانوں نے ایک دوسرے کو گلدستے پیش کئے ۔
بھابھی اور نند نے وزیراعظم عمران خان کا کرتارپور راہداری پر شکریہ ادا کیا کرتے ہوئے کہا کہ پاکستان میں تمام اقلیتوں کو مکمل آزادی حاصل ہے جبکہ انہوں نے کرتارپور میں بہترین انتظامات پر حکومت کا شکریہ ادا کیا۔
کرتارپور راہداری نے 50 سال بعد ایک اور بچھڑے خاندان کو ملا دیا
