معروف اداکارہ ہانیہ عامر کی انوکھی خواہش

کراچی: (ویب ڈیسک) نامور اداکارہ وگلوکارہ ہانیہ عامر نے اپنے جنم دن کے موقع پر رکشہ چلانے کی خواہش ظاہر کردی۔
میڈیا رپورٹس کے مطابق سوشل میڈیا پر ہانیہ عامر کی نئی ویڈیو وائرل ہوئی جس میں وہ اپنے جنم دن کے موقع پر رکشہ چلانے کی خواہش ظاہر کرتی نظر آرہی ہیں۔
اداکارہ کا کہنا تھا کہ میری خواہش ہے ایک دن ٹریکٹر چلاؤں اور میں اپنی سالگرہ پر رکشہ چلانا چاہتی ہوں۔
انٹرنیٹ پر وائرل ویڈیو میں دیکھا گیا کہ ہانیہ عامر کسی سے اپنی خواہش کا اظہار کررہی ہیں جس پر مذکورہ شخص نے ہی کہا کہ رکشے کا انتظام تو میں نے کردیا ہے۔
اداکارہ کی اس خواہش پر مداحوں نے کمنٹس کے انبار لگا دیے، کئی صارفین کا کہنا تھا کہ یہ عجیب وغریب خواہش ہے۔
خیال رہے کہ ہانیہ عامر سوشل میڈیا پر کافی متحرک نظر آتی ہیں، آئے دن ان کی نئی ویڈیوز یا تصاویر وائرل ہوتی ہیں، حالیہ دنوں انہیں کسی تقریب میں ڈانس کرتے ہوئے بھی دیکھا گیا تھا جسے پرستاروں نے خوب سراہا بھی تھا۔