جوہی چاؤلہ پھر سے شاہ رخ خان کے ساتھ فلم میں کام کرنے کی خواہش مند

ممبئی: (ویب ڈیسک) بالی ووڈ کی معروف اداکارہ جوہی چاؤلہ نے کنگ خان کے ساتھ پھر سے فلم میں کام کرنے کی خواہش کا اظہار کردیا۔
میڈیا رپورٹس کے مطابق شاہ رخ خان اور جوہی چاؤلہ نوے کی دہائی میں بھارتی فلم انڈسٹری کے لیے کامیاب جوڑی رہی، انہوں نے بالی ووڈ کی متعدد سپر ہٹ فلمیں کیں، مداح بھی دونوں اسٹارز کو خوب پسند کرتے ہیں۔
رپورٹ میں بتایا گیا کہ کنگ خان اور جوہی نے ایک ساتھ راجو بن گیا جینٹل مین، ڈر، رام جانے، یس باس اور پھر بھی دل ہے ہندوستانی سمیت دیگر کئی کامیاب فلموں میں اداکاری کے جلوے بکھیرے۔
یہ جوڑی آخری بار 2018 میں ریلیز ہونے والی فلم زورو میں نظر آئی تاہم پرستار انہیں ایک بار پھر فلم میں ساتھ کام کرتے ہوئے دیکھنا چاہتے ہیں۔ اس ضمن میں مقامی خبر رساں ادارے کے نمائندے نے جوہی چاؤلہ سے سوال کیا کہ کیا آپ دونوں دوبارہ ایک ساتھ بڑی اسکرین پر جلوہ گر ہوں گے؟ جس پر انہوں نے جواب دیا کہ ’’ارے، مجھے امید ہے‘‘۔
اداکارہ نے نمائندے سے فرمائش کی کہ اگلی بار جب شاہ رخ خان سامنے آئیں تو ان سے بھی یہی سوال پوچھیے گا اور یہ بھی کہیے گا رزا جوہی کے ساتھ کام کرو۔