لاہور: (ویب ڈیسک) شب قدر کی تلاش، رمضان المبارک کی 27ویں رات عبادات کا خصوصی اہتمام کیا گیا، مساجد اور گھروں میں نوافل کی ادائیگی، مسلمان رب کائنات کے حضور سربسجود، ملکی سلامتی، خوشحالی اور استحکام کیلئے دعائیں کی گئیں۔
رمضان المبارک کی 27ویں شب پر کراچی سمیت ملک بھر کی مساجد میں بھی ذکر و اذکار کی خصوصی محفلوں اور صلوٰۃ تسبیح کا اہتمام کیا گیا ہے، فرزندان توحید نے مساجد میں اپنے رب کے حضور گڑگڑا کر دعائیں مانگی۔
رحمتوں والے ماہ مقدس کی بڑی رات کے موقع پر فرزندان اسلام نے ختم قرآن مجید کی سعادت حاصل کی، علمائے کرام نے اپنے خطبات میں شب قدر کی فضیلت پر روشنی ڈالی۔
لیلتہ القدر پر مساجد میں محافل شبینہ اور صلاۃ التسبیح کا اہتمام ہوا، لوگوں نے توبہ، استغفار، بخشش اور ملکی سلامتی کی دعائیں مانگیں، اس موقع پر مساجد کو رنگ برنگے برقی قمقموں سے سجایا گیا تھا۔
واضح رہے کہ لیلتہ القدر رمضان المبارک کے آخری عشرے کی طاق راتوں میں سے ایک نہایت ہی بابرکت رات ہے جسے شب قدر اور برکت والی رات کے نام سے بھی یاد کیا جاتا ہے۔
Muslim men take part in the evening prayers at Laylat al-Qadr or Night of Destiny, during the holy fasting month of Ramadan, at al-Azhar mosque in the Egyptian capital Cairo, on June 11, 2018.
Laylat al-Qadr, marks the night Muslims believe the first verses of the Koran were revealed to the Prophet Mohammed through the archangel Gabriel. / AFP PHOTO / MOHAMED EL-SHAHED
