امریکی صدر ڈونلڈ ٹرمپ نے ایران کے ساتھ جاری مذاکرات پر تنقید کرنے والوں کو شدید تنقید کا نشانہ بناتے ہوئے کہا ہے کہ خواہ وہ ڈیموکریٹ ہوں یا ریپبلکن، اس معاملے پر تنقید کرنے والے “احمق” ہیں۔
انہوں نے اپنے بیان میں کہا کہ ایران کے ساتھ بات چیت ایک پیچیدہ مگر ضروری عمل ہے اور اس پر سیاست کرنا ملک کے مفاد میں نہیں۔ ٹرمپ کے مطابق خطے میں استحکام اور عالمی سیکیورٹی کے لیے مذاکرات کا جاری رہنا اہم ہے، جبکہ مخالفین غیر ضروری طور پر اس عمل کو متنازع بنا رہے ہیں۔
ان کے اس بیان کے بعد امریکی سیاسی حلقوں میں نئی بحث شروع ہو گئی ہے اور مختلف رہنماؤں کی جانب سے ردعمل سامنے آ رہا ہے۔
