لاہور(نمائندہ خصوصی )نواز شریف اور مریم نواز کو عدالت کی طرف سے سزا ملنے کے بعد نواز شریف کا شہر ٹھنڈا ٹھار ، لاہور شہر میں کسی بھی حلقے میں کسی قسم کا کوئی احتجاج اور مزاحمت دیکھنے کو نظر نہیں آئی ، جبکہ تحریک انصاف اور پیپلز پارٹی اور مسلم لیگ ”ق“ کے دفاتر میں خوشی کا اظہار کیا گیا ہے کہ جج محمد بشیر نے سزا اور جرمانہ کی سزا سنا کر جرا¿ت مندانہ فیصلہ دیا ہے اور پاکستان کے کرپشن کے پہاڑ کو ننگا کرنے کے ساتھ ساتھ مریم نوازکو الیکشن 2018 میں حصہ لینے کےلئے 10 سال کےلئے نااہل کر دیا گیااس لئے وہ حلقہ این اے 127 سے انتخابات میں حصہ نہیں لے سکیں گی ،فیصلے کی وجہ سے مسلم لیگ ”ن“ کے امیدواروں نے گزشتہ روز الیکشن مہم معطل رکھی ، الیکشن مہم کےلئے منگوائی جانیوالی گاڑیوں کو بھی این اے 127 کے دفتر کے باہر لمبی لائنیں لگا کر کھڑا کر دیا گیا ،فیصلہ آنے کے بعد پاکستان پیپلز پارٹی نے اپنی انتخابی مہم تیز چلانے کا فیصلہ کر لیا ،مسلم لیگ ”ق“ کے آفس میں مٹھائیاں تقسیم کی گئی جبکہ تحریک انصاف کے امیدوار عبدالعلیم خان ، شفقت محمود، منشا سندھو، نعمان قیصر اور اعجاز احمد چوھدری کے دفاتر میں بھنگڑے ڈالے گئے اور مٹھائیاں تقسیم کی گئی ،تینوں سیاسی جماعتوں کے کارکنوں نے شکرانے کے نوافل ادا کرنے کے بعد دعا بھی کروائی جس میں کہا گیا کہ نواز شریف جیسی سزا اللہ کسی کو بھی نہ دے اس کے برعکس پیپلز پارٹی کے امیدوار قومی اسمبلی این اے 131 عاصم محمود بھٹی نے کہا کہ ہم جشن نہیں منائیں گے فیصلہ 25 جولائی ہو گا ۔
شریف فیملی کو سزا ملنے کے بعد لاہور ٹھنڈا ٹھار ،پی ٹی آئی ،پی پی ،ق لیگ والوں کے بھنگڑے
