کیپ ٹاون (نیو زا یجنسیا ں ) کاگیسو ربادا نے دوسرے ٹیسٹ میں سری لنکن ٹیم کی درگت بنا دی اور جنوبی افریقہ نے 282 رنز کے بڑے مارجن سے فتح سمیٹ کر سیریز میں بھی 0-2 سے حتمی برتری حاصل کرلی۔کیپ ٹاون ٹیسٹ کے چوتھے روز سری لنکا نے کامیابی کیلیے 507 رنز کے ورلڈ ریکارڈ ہدف کا تعاقب 130 رنز 4 وکٹ سے دوبارہ شروع کیا، مگر صرف 100 منٹ کے اندر پوری ٹیم آوٹ ہوگئی۔ آخری 6 وکٹوں کے دوران صرف 94 رنز بنے، دنیش چندیمل 30 رنز بناکر دن کے پہلے شکار ثابت ہوئے، ربادا کی گیند کو فضا میں اچھالنے کا نتیجہ شارٹ لیگ پر اسٹیفن کک کے کیچ کی صورت میں نکلا،نوان پردیپ (5) کو ورنون فلینڈر نے بولڈ کرکے میچ کا حریف ٹیم کے اسکور 224 پر اختتام کردیا۔ ہیراتھ 35 رنز پر ناٹ آو¿ٹ رہے۔اننگز میں 6 اور مجموعی طور پر 10 وکٹ لینے والے ربادا کو مین آف دی میچ قرار دیا گیا، فلینڈر نے دوسری باری میں تین کھلاڑیوں کو آوٹ کیا۔
