نور مقدم قتل کیس میں ظاہر جعفر کو سزائے موت پر مریم نواز کا رد عمل آ گیا

لاہور: (ویب ڈیسک) مسلم لیگ ن کی نائب صدر مریم نواز کا نور مقدم قتل کیس کے مرکزی مجرم ظاہر جعفر کو سزائے موت پر رد عمل سامنے آ گیا۔
واضح رہے کہ اسلام آباد کی ڈسٹرکٹ اینڈ سیشن کورٹ نے نور مقدم قتل کیس کا فیصلہ سناتے ہوئے مجرم ظاہر جعفر کو سزائے موت سنا دی ہے۔
سماجی رابطے کی ویب سائٹ ٹویٹر پر مریم نواز نے لکھا کہ ظاہر جعفر کے جرائم صرف عصمت دری اور قتل تک ہی محدود نہیں تھے، ظاہرجعفر نے پیسا اور اثر و رسوخ متاثرہ کی ساکھ پر حملے کے لیے استعمال کیا۔ شاید یہ واحد جرم ہے جہاں متاثرہ شخص ملزم بن جاتا ہے۔
انہوں نے یہ بھی کہا کہ نور مقدم کی عصمت دری اور قتل سے انسانیت کے ضمیر پر لگے زخم شاید کبھی مندمل نہ ہوں۔