کراچی: (ویب ڈیسک) پاکستان سٹاک مارکیٹ میں زبردست تیزی کی واپسی ہوئی ہے، 100 انڈیکس میں 810.66 پوائنٹس کی تیزی ریکارڈ کی گئی اور انڈیکس 43853.62 پوائنٹس کی سطح پر پہنچ کر بند ہوا۔
پورے کاروباری روز کے دوران کاروبار میں 1.88 فیصد کی بہتری دیکھی گئی جبکہ 8 کروڑ 37 لاکھ 79 ہزار 580 شیئرز کا لین دین ہوا جس کے باعث سرمایہ کاروں کو 140 ارب روپے سے زائد کا فائدہ ہوا۔
معاشی ماہرین کا کہنا ہے کہ پاکستان سٹاک مارکیٹ میں تیزی کی بڑی وجوہات میں سٹیٹ بینک کی طرف سے مانیٹری پالیسی کا اعلان کرتے ہوئے شرح سود کو برقرار رکھنے، روس اور یوکرین کی جنگ کے باعث بڑھتی ہوئی تیل کی عالمی قیمتوں میں بڑی کمی ہے۔ قوی امکان ہے کہ اگر ملک میں جاری سیاسی غیر یقینی صورتحال چھٹ جاتی ہے تو تیزی کا تسلسل دیکھنے کو ملے گا۔
