سلمان خان نے پکارا تو نام سے محبت ہوگئی: سارہ لورین

لاہور: (ویب ڈیسک) بالی ووڈ فلموں میں اداکاری کرنے والی پاکستانی اداکارہ سارہ لورین نے اپنے نام کی تبدیلی کے حوالے سے انکشاف کیا کہ بالی ووڈ کے سپر سٹار سلمان خان نے جب سارہ لورین کہہ کر پکارا تو مجھے اس نام سے محبت ہوگئی۔
ایک انٹرویو کے دوران اداکارہ نے بتایا کہ ان کا نام کافی سوچ بچار اور کنسلٹنٹ کے مشورے سے سارہ لورین رکھا گیا لیکن وہ اپنے نام سے کچھ زیادہ خوش نہیں تھیں۔ ایک ایوارڈز کی تقریب میں جہاں دیگر معروف اداکار بھی تھے اور پوری دنیا کے سامنے جس نے مجھے اس نام سے پکار کر سٹیج پر بلایا وہ سلمان خان تھے ، جب انہوں نے میرا نام پکارا تو مجھے اس نام سے محبت ہوگئی۔
دوران انٹرویو اداکارہ نے کہا کہ اس کے بعد میں نے اپنے نام کو تسلیم کرنا شروع کیا اور کہا اب سب مجھے اس نام سے بلا سکتے ہیں۔