گلگت (ویب ڈیسک) انسپکٹر جنرل پولیس گلگت بلتستان ظفر اقبال اعوان نے بھارتی خفیہ ایجنسی ”را“کے قوم پرست تنظیم بالا ورستان نیشنل فرنٹ (عبدالحمید گروپ)کے ذریعے سی پیک منصوبے کو ناکام بنانے کی سازش کے بے نقاب کر کے اس مقصد کیلئے قائم نیٹ ورک کا سراغ لگا کر 12ملزمان کو گرفتار کر کے بھاری مقدارمیں اسلحہ بر آمد کرنے کا دعوی کیا ہے ۔یہاں سینٹرل پولیس لائن میں پر ہجوم پریس کانفرینس سے خطاب کر تے ہوئےانسپکٹر جنرل آف پولیس نے کہا کہ قوم سر پرست تنظیم پی این ایف کا سربراہ عبدالحمید خان بیلجیئم میں بیٹھ کر بھارتی خفیہ ایجنسی ”را “ کی مالی مدد کر کے سی پیک منصوبے کو ناکام بنا نے کی کوشش کر رہا ہے ۔
