احمد پور شرقیہ: (ویب ڈیسک) موٹر سائیکل سواروں نے کیری ڈبہ پر فائرنگ کر کے جیل سے رہا ہوکر آنے والے ایک ہی خاندان کے 6 افراد کو موت کے گھاٹ اُتار دیا۔ ملزمان فراد ہوگئے۔
احمد پور شرقیہ کے علاقہ محبت پور کے قریب نامعلوم موٹر سائیکل سوار ملزمان کی کیری ڈبہ پر فائرنگ کے نتیجے میں کیری ڈبہ پر سوار 6 افراد جاں بحق ہو گئے جبکہ 3 افراد زخمی ہوگئے، لاشوں اور زخمی افراد کو ریسکیو 1122 ٹیم نے تحصیل ہیڈ کوارٹر اسپتال منتقل کر دیا گیا۔
قتل ہونے والے افراد میں سے چند افراد آج جیل سے رہا ہوکر آ رہے تھے ، واقعہ کی اطلاع ملتے ہی پولیس کی نفری موقع پر پہنچ گئی اور ملزمان کی گرفتاری کے لئے علاقہ کی ناکہ بندی کرادی۔
جاں بحق ہوئے والے افراد میں ارشاد ، وارث ، نواز ، سعید اور اقبال شامل ہیں ،مقتولین کا تعلق احمد پور شرقیہ کے علاقہ ٹبی ڈھکواں سے ہے، پولیس کے مطابق واقعہ دشمنی کا شاخسانہ لگتا ہے۔
احمد پور شرقیہ: جیل سے رہا ہوکر آنے والوں پر فائرنگ، ایک ہی خاندان کے 6 افراد قتل
