ریاض(اے این این) سعودی شاہ سلمان نے سال کی معزز ترین اسلامی شخصیت کا اعزازاپنے نام کرلیا ہے جس پر انہیں 10لاکھ درہم یعنی 29کروڑ روپے بطور انعام دیئےجائیں گے۔غیر ملکی میڈیا رپورٹس کے مطابق شاہ سلمان بن عبدالعزیز السعود کو دبئی انٹرنیشنل ایوارڈ کے 21ویں ایڈیشن کیلئے سال کی معزز ترین اسلامی شخصیت کا اعزاز حاصل ہو گیا جس کا اعلان دبئی کے حکمران کے مشیر ابراہیم محمد نے کیا ۔سعودی شاہ سلیمان کو یہ ایوارڈ گزشتہ 21سالوں کے دوران اسلام، مسلمانوں اور دنیا بھر میں قرآن کریم کی سربلندی اور خدمت کے اعتراف میں دیا گیا ہے ۔شاہ سلیمان بن عبدالعزیز کو انتھک جدوجہد اور شاندار خدمات کی باعث ان رہنماﺅں کی فہرست میں اول شمار کیا جاتا ہے جن پر اسلامی دنیا فخرکرتی ہے۔مشیر ابراہیم محمد کا مزید کہنا تھا کہ شاہ سلیمان کا انتخاب انکی انتھک کاوشوں اور مسجد نبوی اور مدینہ منورہ میں ترقیاتی منصوبوں کوکامیابی سے پایہ تکمیل تک پہنچانے کا اعتراف ہیں ۔
سعودی شاہ سلمان نے اہم” اسلامی اعزاز“ اپنے نام کرلیا
