پاکستان کا ہر 14واں شخص کس خوفناک مرض کا شکار, سنسنی خیز انکشاف

اسلام آباد (خصوصی رپورٹ)ہیپاٹائٹس کے مہلک مرض نے پوری دنیا کو اپنی لپیٹ میں لے لیا ہے مجموعی طور پر 82 کروڑ 85 لاکھ سے زائد افراد ہیپاٹائٹس کا شکار جبکہ ہر سال 17 لاکھ 50 ہزار نئے مریض سامنے آ رہے ہیں جبکہ پاکستان کا ہر 14 واں شخص اس مرض سے متاثر ہے ۔ عالمی ادارہ صحت کی گلوبل ہیپاٹائٹس رپورٹ کے مطابق پوری دنیا میں ہیپاٹائٹس کا مرض تیزی سے پھیل رہا ہے اس وقت دنیا بھر میں ہیپاٹائٹس (بی)کے مریضوں کی تعداد 25 کروڑ 70 لاکھ تک پہنچ چکی ہے جو کہ دنیا کی آبادی کا 3.5 فیصد ہے جبکہ ہیپاٹائٹس (سی)سے متاثرہ مریضوں کی تعداد 7 کروڑ 10 لاکھ ہے ۔