غیر شادی شدہ بالی ووڈ اداکارہ نر گس فخری کا بڑھا ہوا پیٹ،تصاویر نے سو شل میڈیا پر ہلچل مچادی

ممبئی (ویب ڈیسک)بالی ووڈ اداکارہ نرگس فخری کی ان نئی تصاویر نے پورے بھارت میں اس وقت تہلکہ مچادیا جو ایئر پورٹ پر کھینچی گئی ہیں جن میں صاف نظر آرہا ہے کہ اداکارہ حاملہ ہیں، اور فوٹو گرافرز سے بچنے کیلئے اپنا چہرہ چھپا رہی ہیں۔
تفصیلات کے مطابق جمعہ کے روز پاپا رازی فوٹو گرافرز نے اداکارہ نرگس فخری کو گھیر لیا اور ایئر پورٹ پر ان کی تصاویر لینا شروع کردیں۔ نرگس فخری اس طرح کی سرگرمیاں قطعی طور پر پسند نہیں کرتیں اس لیے انہوں نے ایئر پورٹ پر کبھی بھی فوٹو گرافرز کیلئے پوز نہیں کیا بلکہ کنی کترا کر نکل جانے میں ہی عافیت جانتی ہیں۔گزشتہ روز بھی انہوں نے ایسا ہی کچھ کیا اور اپنی شناخت چھپانے کیلئے چہرے پر ہاتھ رکھ کر پتلی گلی سے نکل لیں۔
ایئر پورٹ پر سیاہ لباس میں کھینچی گئی نرگس فخری کی ان تصاویر نے اس وقت پورے بھارت میں ہلچل مچادی جب لوگوں نے یہ محسوس کیا کہ وہ حاملہ ہیں۔ ان تصاویر کے بعد بھارت میں ایک نئی بحث چھڑ گئی کیونکہ نرگس فخری کی ابھی تک شادی بھی نہیں ہوئی اور فی الحال ان کا کسی کے ساتھ چکر بھی نہیں چل رہا۔ بھارتی سوشل میڈیا صارفین کی زبان پر ایک ہی سوال ہے کہ اس بچے کا باپ کون ہے؟۔
دوسری جانب ایک بھارتی اخبار نے اس سارے معاملے کی وضاحت کردی اور لکھا کہ در اصل نرگس فخری حاملہ نہیں ہیں بلکہ یہ ان کی بدقسمتی تھی کہ انہوں نے ایک ڈھیلا ڈھالا لباس پہنا جو چلتے ہوئے ہوا کی وجہ سے آگے سے تھوڑا سا پھیل گیا اور تصاویر میں یہ تاثر گیا کہ وہ حاملہ ہیں۔ اخبار نے واضح کیا کہ گزشتہ ہفتے نرگس فخری نے ایک فیشن شو ’ لکمی فیشن ویک‘ میں لہنگا پہن کر واک کی تھی جس میں ان کا پیٹ برہنہ تھا اور اس میں کہیں نہیں لگ رہا کہ وہ حاملہ ہیں۔