لاہور(نیٹ نیوز)برطانیہ میں ایک کتے کے کان کے اندر تکلیف دہ زخم پیدا ہوگیا جو حیرت انگیز طور پر امریکی صدر ڈونلڈ ٹرمپ سے مشابہہ ہے ۔ برطانیہ کے ایک چھوٹے سے قصبے جیرو میں 25 سالہ جیڈ رابنسن نامی شخص کا کہنا ہے کہ اس کے کتے کے کان کے اندر ایک سوزش زدہ زخم ہے جو امریکی صدر کی صورت سے مشابہہ ہے ۔اس کا کہنا ہے کہ اس کا کتا بہت شرارتی ہے اور نئی نئی خوشبوئیں سونگھنے کا شوقین ہے لہذا وہ ہر وقت زمین پر مختلف خوشبوئیں سونگھتا رہتا ہے یہی وجہ ہے کہ اس کے کانوں کے اندر بے تحاشا دھول مٹی جمع ہوگئی۔یہ دھول مٹی بالآخر ایک تکلیف دہ زخم کی صورت اختیار کر گئی اور اب اسے آپریٹ کیا جانا ضروری ہے ۔رابنسن کا کہنا ہے کہ کتے کے علاج کیلئے اس کے پاس رقم نہیں لہذا وہ اس کیلئے چندہ جمع کر رہا ہے تاکہ کتے کو ڈاکٹر کے پاس لے جاسکے اور اس کے مرض کی درست تشخیص کر کے اس کا علاج کیا جاسکے
