انڈر ورلڈ ڈان کے بیٹے نے وہ کام کر دیاکہ جان کر ہر مسلمان فخر محسوس کریگا

ممبئی( خصوصی رپورٹ)انڈ ورلڈ ڈان داﺅد ابراہیم کے اکلوتا بیٹے کا مذہب کی جانب رجحان ہو گیا جس کی وجہ سے داﺅد ابراہیم ذہنی تنا ﺅکا شکار ہے۔بھارت میں خوف کی علامت سمجھا جانے والا انڈر ورلڈ ڈان داﺅد ابراہیم بے پناہ دولت اور طاقت کے باوجود ذہنی تناﺅ کا شکار ہے جس کی وجہ ان کا 31 سالہ اکلوتا بیٹا معین نواز کاسکر ہے جو حالیہ عرصہ تک تجارتی امور میں معاونت کررہا تھا لیکن اچانک مذہبی تعلیم حاصل کرنے کے بعد سختی سے عمل پیرا ہونے کا فیصلہ کرلیا اور اب وہ مولانا معین نواز کاسکر کے نام سے جانا جارہا ہے۔تھانے ایکسٹورشن سیل کے سربراہ پردیپ شرما کے مطابق زیرحراست داﺅد ابراہیم کے چھوٹے بھائی اقبال کاسکر نے انکشافات کئے ہیں کہ ان کا بھائی داﺅد ابراہیم اس وقت ذہنی تنا ﺅکا شکار ہے جس کی وجہ ان کے اکلوتے بیٹے معین نواز کاسکر ہیں جو اپنے والد کی غیرقانونی سرگرمیوں کے سخت مخالف ہیں کیونکہ مافیا ڈان ہونے کی وجہ سے دنیا بھر میں خاندان کی بدنامی ہورہی ہے۔داﺅد ابراہیم کو یہ فکر لاحق ہے کہ ان کے مرنے کے بعد انڈر ورلڈ کا ذمہ دار کون ہوگا اور ان کی خطیر دولت کس کے ہاتھ میں جائے گی۔ داﺅد ابراہیم کے چھوٹے بھائی اقبال ابراہیم کاسکر بھتہ خوری کے مقدمات میں گرفتار ہیں، اس کے علاوہ ایک اور بھائی انیس ابراہیم کاسکر کی عمر بہت زیادہ ہوچکی ہے اور ان کی صحت بھی خراب ہے جبکہ دیگر بھائیوں کا انتقال ہوگیا ہے۔داﺅد ابراہیم کے اکلوتے بیٹے معین نوازکاسکرجو اس وقت اپنی بیوی اور تین بچوں کے ساتھ مسجد انتظامیہ کی جانب سے فراہم کئے گئے چھوٹے سے کوارٹرمیں زندگی گزاررہے ہیں اور مذہبی تعلیم و تدریس میں مصروف ہے جبکہ وہ نماز کی امامت بھی کرتے ہیں۔